బుల్లి తెరపై, వెండి తెరపై తనకంటూ ప్రత్యేకమైన గుర్తింపు తెచ్చుకుంది మంచు వారసురాలు.. మోహన్ బాబు ముద్దుల కూతురు మంచు లక్ష్మీ. అనగనగా ఓ ధీరుడు అనే సినిమాతో తెలుగు తెరపై ఎంట్రీ ఇచ్చిన మంచు లక్ష్మీ మొదటి సినిమాతోనే ఉత్తమ విలన్‌గా నంది అవార్డును సైతం అందుకుంది. ఆ తర్వాత ‘దొంగల ముఠా’, ‘చందమామ కథలు’, ‘గుండెల్లో గోదారి’, ‘దొంగాట’, ‘లక్ష్మీబాంబ్’ ఇలా పలు సినిమాలలో నటించింది. పిట్టకథలు వెబ్సిరీస్ తో డిజిటల్ ప్రపంచంలోకి కూడా అడుగుపెట్టింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉండగా ఇప్పుడు చాలా గ్యాప్ తరువాత మరో సినిమాలో నటిస్తుంది. అది కూడా వేరే భాషలో. మలయాళ సూపర్‌ స్టార్‌ మోహన్‌లాల్‌ హీరోగా ‘మాన్‌స్టర్‌’ అనే చిత్రం తెరకెక్కుతున్న సంగతి తెలిసిందే కదా. ఈసినిమా వైశాఖ్ దర్శకత్వంలో యాక్షన్ థ్రిల్లర్ నేపథ్యంలో రూపొందుతుంది. ఇందులో మోహన్‌లాల్‌ లక్కీ సింగ్ అనే పవర్‌ ఫుల్ పోలీస్‌ ఆఫీసర్‌ పాత్రలో నటిస్తున్నారు. ఇక ఈసినిమాలో మంచు లక్ష్మీ ఒక కీలక పాత్రలో నటిస్తుంది. ఈవిషయాన్ని తను తన ట్విట్టర్ ద్వారా తెలియచేస్తూ సంతోషాన్ని వ్యక్తం చేసింది లక్ష్మీ. ఎట్టకేలకు క్యాట్‌ బయటకు వచ్చేసింది. కొత్త భాష, కొత్త జానర్‌.. సూపర్‌ స్టార్‌ మోహన్‌లాల్‌తో మలయాళంలో నటిస్తోన్న నా తొలి చిత్రంపై ఎంతో ఆసక్తిగా ఉన్నాను. ఈ సినిమాలో నటించడం కోసం ఆసక్తిగా ఎదురు చూస్తున్నాను. ఈ సినిమా కోసం షూటింగ్‌లో పాల్గొన్న సమయం ఎప్పటికీ మరిచిపోలేనిది’ అంటూ ట్వీట్ లో పేర్కొంది.
The cat is finally out of the bag!!
New Language, New Genre!!! Super duper excited to be shooting My first Malayalam film with the one and only!! ❤️
Cannot wait to showcase what we’ve got in store for you. Having the best time shooting this film 🤩 @mohanlal pic.twitter.com/ZU87xqw2hr— Lakshmi Manchu (@LakshmiManchu) November 15, 2021
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
