మెగాస్టార్ చిరంజీవి కూడా యంగ్ హీరోలకు ఏమాత్రం తగ్గకుండా వరుసగా సినిమాలను చేయడానికి ప్లాన్ చేస్తున్నాడు. చిరు కొరటాల దర్శకత్వంలో ఆచార్య సినిమా చేస్తున్న సంగతి తెలిసిందే. ఇటీవలే ఈసినిమా షూటింగ్ ను పూర్తి చేసుకుంది. మరోవైపు పోస్ట్ ప్రొడక్షన్ పనులు కూడా ఎప్పుడో మొదలుపెట్టింది. ఆ సినిమా షూటింగ్ అవ్వగానే వెంటనే గాడ్ ఫాదర్ సినిమా షూటింగ్ ను మొదలుపెట్టారు. ప్రస్తుతం ఈసినిమా షూటింగ్ ను జరుపుకుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉండగా వీటితో పాటు బాబి దర్శకత్వంలో, మెహర్ రమేష్ దర్శకత్వంలో చిరు సినిమాలు చేయనున్న సంగతి కూడా విదితమే. అయితే గాడ్ ఫాదర్ సినిమా చేస్తుండగానే మధ్యలో మెహర్ రమేష్ సినిమాను కూడా ప్రారంభించనున్నాడని అన్నారు. మరోవైపు గత కొంతకాలంగా బాబి సినిమాను కూడా చిరు త్వరలోనే స్టార్ట్ చేయనున్నాడు అంటూ వార్తలు వచ్చిన సంగతి తెలిసిందే.
ఈనేపథ్యంలో తాజా సమాచారం ప్రకారం ఈసినిమా లాంచ్ కు డేట్ ను ఫిక్స్ చేసినట్టు వార్తలు వస్తున్నాయి. నవంబర్ 6న గ్రాండ్ గా ప్రారంభంకానున్నట్టు వార్తలు వినిపిస్తున్నాయి. ఇక ఈసినిమాను బాబి మాస్ ఎంటర్ టైనర్ గా తెరకెక్కించనున్నట్టు ఇప్పటికే రిలీజ్ చేసిన ప్రీ లుక్ ను బట్టి అర్థమవుతుంది. ఇక బాబి దర్శకత్వంలో వస్తున్న ఈసినిమాను మైత్రీ మూవీ మేకర్స్ వారు నిర్మిస్తున్నారు. ఈ సినిమాకు దేవీ శ్రీ ప్రసాద్ సంగీతాన్ని అందిస్తున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
