సాగర్.కె చంద్ర దర్శకత్వంలో పవన్-రానా కాంబినేషన్లో వస్తున్న మల్టీస్టారర్ సినిమా భీమ్లా నాయక్. ఈ సినిమాలో ‘భీమ్లా నాయక్’ పాత్రలో పవన్ కళ్యాణ్.. డేనియల్ శేఖర్గా రానా నటిస్తున్నారు. ఈ కాంబినేషన్ వల్లే సినిమాపై భారీ అంచనాలు పెరగగా దానికితోడు రిలీజ్ అయిన పవన్, రానా ఇంట్రడక్షన్ వీడియోలు సినిమా రేంజ్ ను మరింత పెంచాయి. ఇక ప్రస్తుతం అయితే ఈసినిమా షూటింగ్ దశలో ఉంది. ఇటీవలే రీస్టార్ట్ అయిన ఈసినిమా శరవేగంగా షూటింగ్ ను జరుపుకుంటూ ఫైనల్ షెడ్యూల్ కు చేరుకుంది. ప్రస్తుతం ఫైనల్ షెడ్యూల్ చిత్రీకరణ జరుగుతుంది. ఈషెడ్యూల్ లో కొన్ని కీలక సన్నివేశాలతో పాటు రానా అలాగే సంయుక్త మీనన్పై తెరకెక్కించాల్సిన సన్నివేశాలను పూర్తి చేయనున్నట్టు తెలుస్తుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇదిలా ఉండగా సినిమా షూటింగ్ దశలో ఉండగానే సినిమా ప్రమోషన్స్ కూడా గ్యాప్ లేకుండా బాగానే చేస్తున్నారు మేకర్స్. ఇప్పటికే ఈ సినిమా నుంచి వచ్చిన టైటిల్ సాంగ్ ప్రేక్షకులను బాగా ఆకట్టుకోగా, త్వరలో సెకండ్ సింగిల్ రిలీజ్ చేసేందుకు రెడీ అవుతున్నారు.
కాగా పవన్ కి జోడీగా నిత్యామీనన్, రానాకి జంటగా సంయుక్త మీనన్ నటిస్తున్నారు. ఇంకా ఈసినిమాలో సముద్రఖని, మురళీశర్మ ముఖ్య పాత్రల్లో నటిస్తున్నారు. పీడీవీ ప్రసాద్ సమర్పణలో సితార ఎంటర్ టైన్మెంట్స్ సంస్థపై సూర్యదేవర నాగవంశీ ఈ చిత్రాన్ని నిర్మిస్తున్నారు. థమన్ సంగీతం అందిస్తున్నాడు. ఈ మూవీ కి ప్రముఖ దర్శకుడు త్రివిక్రమ్ శ్రీనివాస్ డైలాగ్స్ , స్క్రీన్ ప్లే అందిస్తున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: