ఆర్ ఎక్స్ 100 సినిమాతో తెలుగు తెరకు పరిచయమైన కార్తికేయ ఆ తరువాత వరుసగా అవకాశాలతో కెరీర్ బ్రేక్ లు లేకుండా దూసుకువెళుతున్నాడు. కేవలం హీరోగానే కాకుండా ఏ క్యారెక్టర్ అయినా చేయడానికి తాను సిద్దంగా ఉన్నానని నాని గ్యాంగ్ లీడర్ లో విలన్ రోల్ చేసి చెప్పకనే చెప్పాడు. ఇక హీరోగా ఎలా అయితే మొదటి సినిమాతో పేరు తెచ్చుకున్నాడో అలాగే విలన్ గా కూడా మొదటి సినిమాతో అంతే మంచి పేరు తెచ్చుకున్నాడు. ఇక ఈసినిమా తరువాతే కార్తికేయకు అజిత్ సినిమా వాలిమై లో విలన్ పాత్ర దక్కిందని చెప్పొచ్చు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఇదిలా ఉండగా వాలిమై నుండి ఒక్క అజిత్ ఫస్ట్ లుక్ తప్పా ఇంతవరకూ పెద్దగా అప్ డేట్స్ రాలేదు. ఇక తాజాాగా ఈరోజు కార్తికేయ పుట్టినరోజు సందర్భంగా ఈ సినిమా నుంచి ఆయన ఫస్ట్‌లుక్‌ని విడుదల చేసింది చిత్ర యూనిట్. ఈ లుక్‌లో ఓ చేతిలో విస్కీ బాటిల్.. మరో చేతిలో వాకీ-టాకీ పట్టుకొని కార్తికేయ చాలా సీరియస్‌ లుక్‌లో కనిపిస్తున్నారు. ఈ పోస్టర్‌ చూస్తే కార్తికేయ పాత్ర ఈ సినిమాలో చాలా పవర్‌ఫుల్‌గా ఉండబోతుంది అని అర్థం అవుతోంది.
కాగా హెచ్. వినోత్ దర్శకత్వంలో అజిత్ హీరోగా తెరకెక్కుతున్న ఈ సినిమాలో బాలీవుడ్ న‌టి హుమా ఖురేషి న‌టిస్తుండగా… కార్తికేయ విల‌న్‌గా చేస్తున్నాడు. ఈ సినిమాలో అజిత్ పోలీస్ ఆఫీసర్ గా నటిస్తున్నాడు. బోనీ కపూర్ బేవ్యూ ప్రాజెక్ట్స్ ఎల్ఎల్పి బ్యానర్‌లో ఈసినిమాను నిర్మిస్తుండగా యువన్ శంకర్ రాజా సంగీతం అందిస్తున్నాడు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
