పవన్ కుమార్ సమర్పణలో శ్రీనివాసా సిల్వర్ స్క్రీన్ బ్యానర్ పై సంపత్ నంది దర్శకత్వంలో గోపీచంద్, తమన్నా జంటగా కబడ్డీ నేపథ్యం లో తెరకెక్కిన స్పోర్ట్స్ డ్రామా “సీటీమార్” మూవీ సెప్టెంబర్ 10 వ తేదీ వినాయకచవితి కానుకగా రిలీజ్ కానుంది. హీరో గోపీచంద్, తమన్నాలు ఆంధ్రా, తెలంగాణ కబడ్డీ జట్ల కోచ్లుగా నటించిన ఈ మూవీ లో దిగాంగన మరో కథానాయిక. పోసాని కృష్ణ మురళి, రావు రమేష్, భూమిక, రెహమాన్, తరుణ్ అరోరా ముఖ్య పాత్రలలో నటించారు. మణిశర్మ సంగీతం అందించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
హీరో గోపీచంద్ కెరీర్లోనే భారీ బడ్జెట్, హై టెక్నికల్ వాల్యూస్తో “సీటీ మార్ ” మూవీ రూపొందింది. చిత్ర యూనిట్ రిలీజ్ చేసిన పోస్టర్స్ , సాంగ్స్ , ట్రైలర్ ప్రేక్షకులను ఆకట్టుకున్నాయి. “సీటీ మార్ ” మూవీ రిలీజ్ సందర్భంగా హీరో గోపీచంద్ మీడియా తో సమావేశమయ్యారు. హీరో గోపీచంద్ మాట్లాడుతూ .. క్రీడా నేపథ్య కథాంశంతో తాను నటించిన తొలి సినిమా ఇదనీ , ఈ మూవీలో ఏపీ మహిళా కబడ్డీ టీమ్ కోచ్గా కనిపిస్తాననీ , ఒక లక్ష్యం కోసం పోరాడే అతడికి ఎలాంటి అవరోధాలు ఎదురయ్యాయి?తమ టీమ్ను ఎలా విజేతగా నిలిపాడన్నది ఆసక్తికరంగా ఉంటుందనీ , మహిళా క్రీడాకారిణులకు సమాజంలో ఎదురయ్యే వివక్షను అర్థవంతంగా సినిమాలో చూపించబోతున్నామనీ , మహిళా సాధికారతకు కమర్షియల్ హంగులతో అన్ని వర్గాల ప్రేక్షకులను అలరించేలా దర్శకుడు సంపత్ తెరకెక్కించారనీ , అంతర్లీనంగా వచ్చే సిస్టర్ సెంటిమెంట్ మనసుల్ని హత్తుకుంటుందనీ , ఈ సినిమాలో నిజమైన కబడ్డీ ప్లేయర్స్ నలుగురు నటించారనీ , ఓటీటీలో సినిమాల్ని విడుదల చేస్తున్న నిర్మాతల్ని తప్పు పట్టలేమనీ , వారు ఆ నిర్ణయం తీసుకోవడం వెనుక వడ్డీలు పెరగడంతో పాటు అనేక కారణాలుంటాయనీ , నిర్మాతల సమస్యల్ని ప్రతి ఒక్కరూ అర్థం చేసుకోవాలనీ , ప్రస్తుతం మారుతి దర్శకత్వంలో “పక్కా కమర్షియల్” మూవీ లో నటిస్తున్నాననీ , దర్శకుడు శ్రీవాస్తో మరో సినిమా ఉంటుందనీ చెప్పారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: