పెద్ద సినిమాలకు లీకుల బెడద ఎప్పుడూ ఉంటూనే ఉంటుంది. ఎన్నో జాగ్రత్తలు తీసుకొని షూటింగ్ చేసే రాజమౌళి సినిమాలకే లీకులు తప్పట్లేదు. అలాంటిది వేరే సినిమాలకు ఇది కామన్. ఇక రీసెంట్ గా మరో రెండు పెద్ద సినిమాలు లీకుల బారిన పడ్డాయి. అవి సర్కారు వారి పాట, పుష్ప.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
మహేష్ హీరోగా పరుశురాం దర్శకత్వంలో వస్తున్న సినిమా సర్కారు వారి పాట. ఇక ఈసినిమా నుండి ఇప్పటికే సెట్స్ లో నుండి పలు ఫొటోలు బయటకు వచ్చిన సంగతి తెలిసిందే. ఆగష్ట్ 9 మహేష్ పుట్టిన రోజు సందర్భంగా కూడా ఒక రోజు ముందే ఫస్ట్ లుక్ పోస్టర్ ఆన్ లైన్ లో ప్రత్యక్షమైంది. అల్లు అర్జున్ నటిస్తున్న పుష్ప మూవీ నుంచి దాక్కో దాక్కో మేక సాంగ్ విడుదలకు ముందు రోజు రాత్రి ఇంటర్నెట్లో వైరల్ అయింది.
అయితే ఇవి రెండూ మైత్రీ మూవీ మేకర్స్ వారు నిర్మిస్తున్న సినిమాలే. ఇక తమ సినిమాల లీకులపై నిర్మాతలు ఆగ్రహం వ్యక్తం చేస్తూ సైబర్ క్రైమ్ వారికి ఫిర్యాదు చేశారు. ఈ విషయాన్ని మైత్రీ మూవీ నిర్మాణ సంస్థ ట్విట్టర్ ఖాతా ద్వారా తెలియజేసింది. ఇటీవల మా మూవీ మెటీరియల్ సోషల్ మీడియాలో లీక్ కావడంతో మేము చాలా ఆందోళన చెందాము. దీనిని మేము తీవ్రంగా ఖండిస్తున్నాము. సైబర్ క్రైమ్ డిపార్ట్మెంట్కు ఫిర్యాదు చేశాము. త్వరలోనే నిందితులపై చట్టపరంగా చర్యలు తీసుకుంటాము. దయచేసి పైరసీని ప్రోత్సహించవద్దు అంటూ ట్వీట్ చేసింది. కాగా ‘పుష్ప’ క్రిస్మస్ కానుకగా విడుదలవుతుండగా.. ‘సర్కారు వారి పాట’ 2022 సంక్రాంతికి ప్రేక్షకుల ముందుకు రానుంది.
We are deeply disturbed by the recent leaks of our movie material online. We condemn it and have lodged a complaint against the same in the cyber crime department. The culprits would soon be booked by the law. Please do not encourage piracy.
– Team @MythriOfficial pic.twitter.com/FelB6ih0TD
— Mythri Movie Makers (@MythriOfficial) August 15, 2021
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
