రాజమౌళికి కొత్త కొత్త రికార్డులు క్రియేట్ చేయడం కొత్తేమీ కాదు. ఇప్పటికే ఎన్నో సినిమాలతో ఇండస్ట్రీలో పలు రికార్డులు క్రియేట్ చేశాడు. ఇక బాహుబలి గురించి అయితే ప్రత్యేకంగా చెప్పనక్కర్లేదు. బాహుబలి తరువాత వచ్చిన సినిమాలు నాన్ బాహుబలి రికార్డులు క్రియేట్ చేశాయే తప్పా ఆ రేంజ్ రికార్డులను అందుకోలేకపోతున్నాయి. ఇప్పుడు ఆర్ఆర్ఆర్ తో కూడా మరోసారి మ్యాజిక్ చేయడానికి రెడీ అయ్యాడు రాజమౌళి. ఇప్పటికే ఆర్ఆర్ఆర్ సినిమాపై భారీ అంచనాలు ఉన్నాయి. అందులోనూ రాజమౌళి డైరెక్షన్ అవ్వడం.. దానికితోడు ఎన్టీఆర్-చరణ్ లాంటి స్టార్ హీరోలు ప్రధాన పాత్రలు కావడంతో సహజంగానే అంచనాలు ఉంటాయి. ఇక ఈసినిమా నుండి ఇప్పటివరకూ రాజమౌళి పోస్టర్లే రిలీజ్ చేయగా.. నిన్న రోర్ ఆఫ్ ఆర్ఆర్ఆర్ అంటూ మేకింగ్ వీడియోను రిలీజ్ చేసి సినిమాపై అంచనాలను మరింత పెంచేశాడు. ఇక అలా రిలీజ్ చేశాడో అప్పుడే కొత్త రికార్డులు క్రియేట్ చేయడం స్టార్ట్ చేసింది. ఈ వీడియో రిలీజ్ చేసిన 24 గంటల్లోనే 6 మిలియన్ వ్యూస్ తో పాటు దాదాపు 5 లక్షలకు పైగా లైక్ లను సొంతం చేసుకుంది. మేకింగ్ వీడియోకు ఈ రేంజ్ లో వ్యూస్ రావడం ఈ వీడియోకే చెల్లింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా రాజమౌళి దర్శకత్వంలో రియల్ కారెక్ట‌ర్స్‌తో కూడిన ఫిక్ష‌న్ క‌థాంశంతో తెరకెక్కుతున్న ఈసినిమా ఆర్ఆర్ఆర్. రామ్ చరణ్ అల్లూరి సీతారామ‌రాజుగా, ఎన్టీఆర్ కొమ‌రం భీమ్‌గా నటిస్తున్న ఈసినిమా ప్రస్తుతం షూటింగ్ చివరి దశలో ఉంది. ఈ సినిమాలో ఎన్టీఆర్ సరసన హాలీవుడ్ భామ ‘ఒలివియా మోరిస్’ నటిస్తుంది. ఇక ముఖ్యమైన పాత్రల్లో బాలీవుడ్ స్టార్ హీరో అజయ్ దేవగన్, సముద్రఖని, రే స్టీవెన్సన్, ఆలిసన్ డూడి కూడా నటిస్తున్నారు. ఇక ఈ సినిమాను ఏకంగా పది భాషల్లో రిలీజ్ చేయడానికి భారీ ప్లానే వేస్తున్నాడు రాజమౌళి. డీవీవీ దాన‌య్య నిర్మిస్తోన్న సినిమా 2021అక్టోబ‌ర్ 13న రిలీజ్ కానుంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
