చిరు ‘లూసిఫర్’ రీమేక్ ప్రారంభం

మలయాళంలో హిట్టయిన ‘లూసిఫర్’ చిత్రాన్ని చిరంజీవి హీరోగా తెలుగులో రీమేక్ చేస్తున్నసంగతి తెలిసిందే కదా. ఎంతోమంది డైరెక్టర్స్ పేర్లు వినిపించినా ఫైనల్ గా రీమేక్స్ స్పెషలిస్ట్ అయిన తమిళ్ డైరెక్టర్ మోహ‌న్ రాజా ఈ చిత్రానికి డైరెక్టర్ గా ఫిక్స్ అయ్యాడు. పొలిటికల్ నేపథ్యం ఉన్న సినిమా కావడంతో మోహన్ రాజా అయితే సరిగ్గా రీమేక్ చేయగలడని మోహన్ రాజాను సెలెక్ట్ చేసినట్టు తెలుస్తుంది.

ఇక ఈ సినిమాను ఫిలిం నగర్ సూపర్ గుడ్ సంస్థ కార్యాలయంలో నేడు పూజ కార్యక్రమాలతోలాంఛనంగా ప్రారంభించారు. ఈ కార్యక్రమంలో మెగా ప్రొడ్యూసర్ అల్లు అరవింద్, అశ్విని దత్, డివివి దానయ్య, నిరంజన్ రెడ్డి, చిత్ర సంగీత దర్శకుడు తమన్, మెగా బ్రదర్ నాగబాబు, కొరటాల శివ, ఠాగూర్ మధు, జెమినీ కిరణ్, రచయిత సత్యానంద్, మెహర్ రమేష్, బాబీ, రామ్ ఆచంట, గోపి ఆచంట, మిర్యాల రవీందర్ రెడ్డి, నవీన్ యెర్నేని, శిరీష్ రెడ్డి, యూ వి క్రియేషన్స్ విక్కీ తదితరులు పాల్గొన్నారు.

ఇక ఈ సందర్భంగా ద‌ర్శ‌కుడు మోహ‌న్ రాజా మాట్లాడుతూ- మెగాస్టార్ చిరంజీవి గారి సినిమా చేసే అవకాశం రావడం అదృష్టంగా భావిస్తున్నాను. అయన అభిమానులు కోరుకునే రేంజ్ లో ఈ సినిమా ఉంటుంది. మెగాస్టార్ కెరీర్ లో మరో భిన్నమైన సినిమా అవుతుంది. ఇది పూర్తిస్థాయి రీమేక్ సినిమా కాదు. ఆ కథను తీసుకుని మెగాస్టార్ ఇమేజ్ కి తగ్గట్టుగా మార్చి తెరకెక్కించబోతున్నాం, మిగతా నటీనటుల వివరాలు త్వరలో వెల్లడిస్తామన్నారు.

కాగా మెగాస్టార్ చిరంజీవి కథానాయకుడిగా సురేఖ కొణిదెల సమర్పణలో కొణిదెల ప్రొడక్షన్స్ మరియు సూపర్ గుడ్ ఫిలిమ్స్, ఎన్ వి ఆర్ ఫిలిమ్స్ బ్యానర్స్ పై ఈ సినిమాను నిర్మిస్తున్నారు. ఫిబ్రవరి నుండి ఈ సినిమా రెగ్యులర్ షూటింగ్ ప్రారంభమవుతుంది.

Alluda Majaka Telugu Movie Back 2 Back Comedy Scenes | Chiranjeevi | Brahmanandam | Ramya Krishna

15:40

[subscribe]