హైదరాబాద్ లో స్టార్ హీరోయిన్ త్రిష

సక్సెస్ ఫుల్ “మౌనం పేసియదే”(2002 ) మూవీ తో కోలీవుడ్ కు కథానాయికగా పరిచయం అయిన త్రిష , “నీమనసు నాకు తెలుసు “మూవీ తో టాలీవుడ్ కు పరిచయం అయ్యారు. తెలుగు , తమిళ పలు బ్లాక్ బస్టర్ మూవీస్ తో అలరించిన త్రిష బెస్ట్ యాక్ట్రెస్ గా పలు అవార్డ్స్ అందుకున్నారు. కమర్షియల్ మూవీస్ తో పాటు ఉమెన్ సెంట్రిక్ ఫిల్మ్స్ తో అలరిస్తున్న త్రిష కథానాయికగా రూపొందిన 4 తమిళ మూవీస్ విడుదలకు సిద్ధంగా ఉన్నాయి. 2 తమిళ , ఒక మలయాళ మూవీ చిత్రీకరణ జరుపుకుంటున్నాయి. “పొన్నియిన్ సెల్వన్ “మూవీ షూటింగ్ లో పాల్గొనడానికై త్రిష నిన్న(8వ తేదీ)హైదరాబాద్ చేరుకున్నారు.

మద్రాస్ టాకీస్ , లైకా ప్రొడక్షన్స్ బ్యానర్స్ పై లెజెండరీ డైరెక్టర్ మణిరత్నం దర్శకత్వంలో చియాన్ విక్రమ్ , కార్తీ , జయం రవి , ఐశ్వర్య రాయ్, త్రిష , శోభిత ధూళిపాళ, బిగ్ బీ అమితాబ్ ప్రధాన పాత్రలలో కల్కి కృష్ణ మూర్తి నవల పొన్నియిన్ సెల్వన్ ఆధారంగా చోళ రాజవంశం నేపథ్యంలో హిస్టారికల్ డ్రామా “పొన్నియిన్ సెల్వన్” మూవీ 2 భాగాలుగా తెరకెక్కుతున్న విషయం తెలిసిందే. ఎ ఆర్ రెహమాన్ సంగీతం అందిస్తున్నారు. భారీ బడ్జెట్ , భారీ తారాగణం తో రూపొందుతున్న “పొన్నియిన్ సెల్వన్” మూవీ థాయ్ ల్యాండ్ , తమిళనాడు షూటింగ్ షెడ్యూల్స్ జరుపుకుంది. “పొన్నియిన్ సెల్వన్” మూవీ తాజా షూటింగ్ షెడ్యూల్ హైదరాబాద్ రామోజీ ఫిల్మ్ సిటీ లో జరుగుతున్న విషయం తెలిసిందే. స్టార్ హీరోయిన్ త్రిష ఈ రోజు “పొన్నియిన్ సెల్వన్” మూవీ సెట్స్ లో జాయిన్ అయ్యారు.

[subscribe]