కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

గ్రీన్ ఛాలెంజ్ పూర్తి - యంగ్ హీరోయిన్స్ కు ఛాలెంజ్

గ్రీన్ ఛాలెంజ్ పూర్తి - యంగ్ హీరోయిన్స్ కు ఛాలెంజ్

Nikhil Completes Green India Challenge nominates young tollywood heroines to continue the chain

గ్రీన్ ఛాలెంజ్ ఇప్పటివరకూ ఎంతో మంది సినీ సెలెబ్రిటీస్ పాల్గొని మొక్కలు నాటారు. ఇక ఇప్పుడు మరో హీరో నిఖిల్ కూడా ఈ ఛాలెంజ్ లో పాల్గొని ఛాలెంజ్ ను పూర్తి చేసాడు. రాజా రవీంద్ర విసిరిన ఛాలెంజ్‌ను స్వీకరించిన నిఖిల్ తాజాగా హైదరాబాద్‌లోని గచ్చిబౌలిలోని అవతార్ నివాస గృహా సముదాయంలో మొక్కలు నాటారు.

ఇక ఈ సంధర్భంగా నిఖిల్ మాట్లాడుతూ.. గ్రీన్ ఛాలెంజ్ లో పాల్గొని మొక్కలు నాటడం చాలా సంతోషంగా ఉంది.. సంతోష్ కుమార్ గారు చేపట్టిన చాలా బావుంది.. స్టాలిన్ సినిమాలోలాగా ఒకరు ముగ్గురికి సాయం చేసినట్టు.. ఒకరు ముగ్గురితో మొక్కలు నటించడం అనేది చాలా వినూత్నంగా.. గొప్పగా కూడా ఉందని చెప్పాడు. అనంతరం ఈ ఛాలెంజ్ ను తన '18 పేజీస్' సినిమా బృందానికి ఇంకా ముగ్గురు హీరోయిన్స్ అనుపమా పరమేశ్వరన్, అవికా గోర్, కలర్స్ స్వాతి కి విసిరాడు.

కాగా ప్రస్తుతం కుమారి 21 ఎఫ్‍ ఫేమ్‍ పల్నాటి సూర్య ప్రతాప్‍ దర్శకత్వంలో నిఖిల్ హీరోగా '18 పేజీస్' సినిమా తెరకెక్కబోతున్న సంగతి తెలిసిందే. క‌రోనా వ‌ల‌న షూటింగ్‌కు బ్రేక్ ప‌డింది. అయితే మళ్లీ ఇన్ని నెలలు తర్వాత షూట్ ను స్టార్ట్ చేసింది. అనుప‌మ ప‌ర‌మేశ్వ‌ర‌న్ ను హీరోయిన్ గా నటిస్తున్న ఈ చిత్రానికి సుకుమార్ కథ మాటలు స్క్రీన్ ప్లే అందిస్తుండగా సుకుమార్, గీతా ఆర్ట్స్ 2 సంయుక్తంగా ఈ సినిమాను నిర్మిస్తుండగా.. గోపీ సుంద‌ర్ సంగీతం అందిస్తున్నాడు. ఇంకా నిఖిల్‌, చందు మెుండేటి కాంబినేష‌న్ లో వచ్చిన 'కార్తికేయ' సీక్వెల్ 'కార్తికేయ2' సినిమా చేస్తున్నాడు. పీపుల్ మీడియా ఫ్యాక్టరీ పతాకం పై నిర్మాతలు టి.జి.విశ్వప్రసాద్, వివేక్ కూచిభొట్ల ఈ సినిమాను నిర్మిస్తున్నారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్