కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

'పవర్' సినిమా నా కెరీర్‌ను మార్చేసింది

'పవర్' సినిమా నా కెరీర్‌ను మార్చేసింది

Power Movie Has Changed My Film Career Says Director Bobby

సినీ పరిశ్రమలో బాబిగా ఎంట్రీ అయిన ఈ యంగ్ డైరెక్టర్ అతి తక్కువటైంలోనే పెద్ద పెద్ద స్టార్స్ తో నటించే అవకాశం దక్కించుకున్నాడు. రవితేజ హీరోగా పవర్ సినిమాతో డైరెక్టర్ గా పరిచయమైన బాబి తొలి సినిమాతోనే విజయం అందుకున్నాడు. ఆ తరువాత ఏకంగా పవర్ స్టార్ పవన్ కళ్యాణ్ తోనే సర్దార్ గబ్బర్ సింగ్ సినిమా చేసే అవకాశం దక్కించుకున్నాడు. ఆ వెంటనే ఎన్టీఆర్ తో జై లవ కుశ సినిమా తీసి హిట్ కొట్టాడు. గత ఏడాది వెంకీమామ సినిమాతో సందడి చేసాడు.

ఇక ఇదిలా ఉండగా పవర్ సినిమా రిలీజ్ అయి నేటితో ఆరేళ్లు పూర్తి చేసుకుంది. ఈ సందర్భంగా ఈ సినిమా డైరెక్టర్ బాబి తన ట్విట్టర్ ద్వారా గుర్తు చేసుకున్నాడు. రచయిత నుంచి దర్శకుడిగా `పవర్` సినిమా నా కెరీర్‌ను మార్చేసింది. నా హీరో రవితేజ లేకుండా ఇది సాధ్యమయ్యేది కాదు. అద్భుతమైన సంగీతం అందించిన తమన్‌కు, నా గురువు కోన వెంకట్‌కు, ఇతర చిత్రబృందానికి ధన్యవాదాల`ని బాబి పేర్కొన్నాడు.

ఇక, రచయిత కోన వెంకట్ కూడా ఈ సినిమా గురించి స్పందించారు. `నా కెరీర్‌లో మర్చిపోలేని చిత్రం `పవర్`. ఈ సినిమాతో టాలీవుడ్‌కు ఓ డైనమిక్ డైరెక్టర్ దొరికాడు. రవితేజ హై వోల్టేజ్ నటన చిత్రానికి హైలైట్. చిత్రబృందం మొత్తానికి అభినందనల`ని ట్వీట్ చేశారు.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్