దర్శకేంద్రుడు రాఘవేంద్రరావు డైరెక్షన్ లో సూపర్ స్టార్ మహేష్ బాబు హీరోగా నటించిన మొదటి చిత్రం ‘రాజకుమారుడు’. మొదటి సినిమాతోనే సూపర్ హిట్ అందుకొని అమ్మాయిల కలల రాకుమారుడు అయిపోయాడు మహేష్. వైజయంతి బ్యానర్లో అశ్వినీదత్ నిర్మించిన ఈ సినిమాకు మణిశర్మ సంగీతం అందించాడు ప్రకాష్ రాజ్ కీలక పాత్ర పోషించగా, సూపర్ స్టార్ కృష్ణ అతిధి పాత్రలో చేయడం విశేషం.ఇక ఈ సినిమాకు ఉత్తమ కుటుంబ కథా చిత్రంగా నంది అవార్డు కూడా లభించింది. ఇక ఈ సినిమా విడుదలై నిన్నటితో (2020 జులై 30) 21 సంవత్సరాలు పూర్తి చేసుకుంది. ఈ సందర్భంగా చిత్ర బంధం సహా హీరో మహేష్ బాబు ఈ సినిమా యొక్క జ్ఞాపకాలను గుర్తు చేసుకున్నారు.
ఇక ఈ సినిమాలో బాలీవుడ్ భామ ప్రీతి జింతా హీరోయిన్ గా నటించిన సంగతి తెలిసిందే. ఇక ఈ సినిమా 21 ఏళ్ళు పూర్తి చేసుకున్న నేపథ్యంలో ఆమె కూడా తన ట్విట్టర్ ద్వారా గుర్తుచేసుకున్నారు. సినిమాలో అవకాశం ఇచ్చినందుకు రాఘవేంద్ర రావు కి, మహేష్ బాబుకి కృతజ్ఞతలు తెలిపారు. అంతే కాదు మీతో పని చేసిన అనుభవం ఎంతో గొప్పది ఆ జ్ఞాపకాలను ఎప్పుడూ గుర్తు చేసుకుంటూనే ఉంటాను అంటూ ట్వీట్ లో పేర్కొన్నారు. కాగా ఈ సినిమాలో ప్రీతిజింతా మహేష్ బాబుల మధ్య కెమిస్ట్రీ కూడా ప్రేక్షకులను బాగా ఆకట్టుకుంది.
r@realpreityzinta
Thank you @Ragavendraraoba Garu & @urstrulyMahesh for an incredible experience. I will always cherish it 🙏 #Memories #21YearsForRajakumarudu https://t.co/jarYx6reaY
రాజకుమారుడు ముందు ప్రీతిజింటా తెలుగులో వెంకటేష్ హీరోగా వచ్చిన ప్రేమంటే ఇదేరా అనే సినిమాలో నటించింది. ఇక రాజకుమారుడు సినిమా తర్వాత మళ్లీ ఆమె టాలీవుడ్ లో ఒక్క సినిమా కూడా చేయలేదు. బాలీవుడ్ లోనే బిజీ అయిపోయింది ఈ భామ.