పెద్ద సినిమా అంటే రూమర్స్ ఆపడం కష్టమే. ఏదో ఒక రూమర్ వెంట వెంటనే వస్తూనే ఉంటాయి. దర్శకనిర్మాతలు ఎన్ని సార్లు క్లారిటీ ఇచ్చినా వాటిని ఆపడం కష్టమే. ఇక కె.జి.యఫ్ 2 సినిమా విషయంలో కూడా అదే జరుగుతుంది. ఏదో ఒక రూమర్ వస్తూనే వుంది ఈ సినిమాపైనా. మొన్నటివరకు రిలీజ్ విషయంలో పలు వార్తలు రాగా ఇప్ప్పుడు మరో వార్త తెరపైకి వచ్చింది. అదేంటంటే ఈ సినిమాలో అధీర పాత్ర ఉందన్న సంగతి తెలిసిందే కదా. ఈ పాత్రలో బాలీవుడ్ నటుడు సంజయ్దత్ చేస్తున్న విషయం కూడా విదితమే. ఈ నేపథ్యంలో ‘అధీరా’ పాత్ర కోసం ముందుగా కన్నడ స్టార్ హీరో సుదీప్ను సంప్రదించారనే వార్త గత రెండు రోజులుగా చక్కర్లు కొడుతుంది. ఇక ఈ వార్తలపై సుదీప్ స్పందిస్తూ..ఆ వార్తలలో నిజంలేదు… ఈ సినిమాలో అధీర పాత్ర కోసం నన్ను ఎవ్వరూ సంప్రదించలేదు. కె.జి.ఎఫ్ చాప్టర్ 1 కోసం మాత్రం సినిమా చూడటానికి ఆహ్వానం పంపించారు. అంతే తప్ప అధీర పాత్రపై వస్తున్న వార్తలలో నిజం లేదు. ఇక ‘అధీరా’ పాత్ర సంజయ్దత్ సార్ చేస్తున్నారని తెలిసింది. ఆయన చేస్తున్నాడంటే ఇంకా ఆలోచించాల్సిన అవసరం ఏముంది. ఈ విషయంలో నేను చాలా హ్యాపీ..’’ అని క్లారిటీ ఇచ్చాడు సుదీప్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ప్రశాంత్ నీల్ దర్శకత్వంలో కన్నడ రాకింగ్ స్టార్ యశ్ కథానాయకుడిగా వచ్చిన `కె.జి.ఎఫ్- చాప్టర్ 1` సినిమా ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఇక అదే జోష్ తో `కె.జి.ఎఫ్- చాప్టర్ 2′ కూడా మొదలు పెట్టిన సంగతి తెలిసిందే. కాగా ఈ సినిమాలో శ్రీనిధి శెట్టి హీరోయిన్ గా నటిస్తుంది. హోంబలే ఫిలింస్, ఎక్సెల్ మూవీస్, వారాహి చలన చిత్రం బ్యానర్స్ పై ఈ సినిమాను నిర్మిస్తున్నారు. మరి చూద్దాం ఇది ఎంత వరకూ వర్క్ అవుట్ అవుతుందో.మరి చాప్టర్ 1 సూపర్ హిట్ అవడంతో కె.జి.ఎఫ్ చాప్టర్ 2 మీద భారీ అంచనాలు ఏర్పడ్డాయి. ఈ సినిమా ఎన్ని సంచలనాలు క్రియేట్ చేస్తుందో చుద్దాం.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: