మాస్ మహారాజా రవితేజ ప్రస్తుతం రెండు సినిమాలతో బిజీగా ఉన్నాడు. అందులో ఒకటి `క్రాక్` కాగా.. మరొకటి `రాక్షసుడు` ఫేమ్ రమేష్ వర్మ రూపొందిస్తున్న యాక్షన్ థ్రిల్లర్. ఈ రెండు చిత్రాలతో పాటు… ‘సినిమా చూపిస్త మావ’, ‘నేను లోకల్’ వంటి కామెడీ ఎంటర్టైనర్స్ను తెరకెక్కించిన త్రినాథరావు నక్కినతో కూడా ఓ అవుట్ అండ్ అవుట్ ఎంటర్టైనర్ చేయనున్నాడు రవితేజ. త్వరలో సెట్స్ పైకి వెళ్ళనున్న ఈ క్రేజీ ప్రాజెక్ట్లో తమన్నా హీరోయిన్గా నటించనుంది. ఇదిలా ఉంటే… ఈ సినిమాకు సంబంధించి ఓ ఆసక్తికరమైన కథనం టాలీవుడ్ సర్కిల్స్లో చక్కర్లు కొడుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
అదేమిటంటే… ఈ చిత్రం 80ల నాటి వాతావరణంతో రూపొందనుందని సమాచారం. ఆసక్తికరమైన విషయమేమిటంటే… ఇటీవల విడుదలైన ‘డిస్కోరాజా’లోనూ పీరియాడిక్ టచ్ ఉన్న ఫ్లాష్ బ్యాక్ ఎపిసోడ్స్లో కనిపించి అలరించాడు రవితేజ. మరి.. కొత్త చిత్రంలో ఎలాంటి వినోదాలు పంచుతాడో చూడాలి.
కాగా, త్వరలోనే ఈ క్రేజీ ప్రాజెక్ట్కు సంబంధించి మరింత స్పష్టత వచ్చే అవకాశం ఉంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: