విశ్వవిఖ్యాత నట సార్వభౌమగా కీర్తిగాంచిన స్వర్గీయ నందమూరి తారక రామారావు కథానాయకుడిగానే కాదు… దర్శకుడిగానూ పలు ఘనవిజయాలను చవిచూశారు. విభిన్న తరహా కథాంశాలను ఎంచుకుని.. అనేక సంచలనాలు సృష్టించారు. అలా.. యన్టీఆర్ కథానాయకుడిగా నటిస్తూనే దర్శకత్వం వహించిన చిత్రాల్లో `తల్లా? పెళ్ళామా?` ఒకటి.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
కుటుంబ కథా చిత్రంగా తెరకెక్కిన ఈ సినిమాలో యన్టీఆర్ కి తల్లిగా శాంతకుమారి నటించగా, పెళ్ళాంగా చంద్రకళ దర్శనమిచ్చింది. ఇక తనయుడిగా మాస్టర్ నందమూరి హరికృష్ణ నటించాడు. టీవీ రాజు స్వరసారథ్యంలో రూపొందిన పాటలన్నీ విశేష ఆదరణ పొందాయి. ముఖ్యంగా `తెలుగుజాతి మనది.. నిండుగా వెలుగు జాతి మనది` గీతమైతే ఒక ఆణిముత్యమనే చెప్పాలి. ఇందులో సందర్భానుసారంగా యన్టీఆర్ పలికే పలుకులు అభిమానులకు వీనుల విందు పంచాయి. అలాగే `బ్రహ్మం తాత`, `నువ్వు నవ్వుతున్నావు` పాటలు కూడా భలేగా అలరించాయి.
యన్టీఆర్ స్వయంగా కథ, కథనం అందించడమే కాకుండా నిర్మాణాన్ని కూడా చేపట్టిన ఈ చిత్రం.. హిందీలో `బిడాయి`, తమిళంలో `పిరియ విడై` పేర్లతో రీమేక్ అయింది. 1970 జనవరి 8న విడుదలై ఘనవిజయం సాధించిన `తల్లా? పెళ్ళామా?` నేటితో 50 వసంతాలను పూర్తిచేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: