ఈ ఏడాది `ఎఫ్ 2`, `వెంకీమామ` చిత్రాలతో ఘనవిజయాలు అందుకున్నారు విక్టరీ వెంకటేష్. ఈ రెండు సినిమాలు కూడా మల్టీస్టారర్స్ గా రూపొందినవే కావడం విశేషం. ఇదిలా ఉంటే… జనవరి నుంచి వెంకీ తన నెక్స్ట్ ప్రాజెక్ట్ ని పట్టాలెక్కించనున్నారు. తమిళ బ్లాక్ బస్టర్ `అసురన్` రీమేక్ గా తెరకెక్కనున్న ఈ యాక్షన్ థ్రిల్లర్ కి శ్రీకాంత్ అడ్డాల దర్శకత్వం వహించనున్నాడు. శరవేగంగా ఈ చిత్రాన్ని పూర్తిచేసి, 2020 వేసవిలో రిలీజ్ చేయాలని యూనిట్ ప్లాన్ చేస్తోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
కాగా, ఈ సినిమా చిత్రీకరణ అయిపోగానే… వెంకీ మరో యాక్షన్ ఎంటర్ టైనర్ చేయబోతున్నారని సమాచారం. త్రినాథరావ్ నక్కిన దర్శకత్వంలో రూపొందనున్న ఈ చిత్రంలో వెంకటేష్ పవర్ ఫుల్ పోలీసాఫీసర్ గా కనిపించబోతున్నారట. 2020 సెకండాఫ్ లో సెట్స్ పైకి వెళ్ళే ఈ క్రేజీ ప్రాజెక్ట్ ని కూడా డి.సురేష్ బాబు నిర్మిస్తారని టాక్. వచ్చే ఏడాది చివరలో ఈ కాప్ స్టోరీ థియేటర్లలో సందడి చేసే అవకాశముంది. మరి… 2019లోలాగే 2020లోనూ వెంకీ బ్లాక్ బస్టర్స్ అందుకుంటారేమో చూడాలి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
