సాయిశ్రీ‌నివాస్ కి జోడీగా న‌భా న‌టేష్?

`ఇస్మార్ట్ శంక‌ర్`తో టాలీవుడ్ దృష్టిని విశేషంగా ఆక‌ర్షించింది క‌న్న‌డ క‌స్తూరి న‌భా న‌టేష్‌. ప్ర‌స్తుతం మాస్ మ‌హారాజా ర‌వితేజ‌కి జోడీగా `డిస్కో రాజా`లోనూ… `సుప్రీమ్` హీరో సాయితేజ్ కి జంట‌గా `సోలో బ్ర‌తుకే సో బెట‌ర్`లోనూ నాయిక‌గా న‌టిస్తోందీ టాలెంటెడ్ బ్యూటీ. ఇదిలా ఉంటే… మ‌రో క్రేజీ ప్రాజెక్ట్ లోనూ న‌భాకి అవ‌కాశం ద‌క్కింద‌ని స‌మాచారం.

ఆ వివ‌రాల్లోకి వెళితే… బెల్లంకొండ సాయిశ్రీ‌నివాస్ క‌థానాయ‌కుడిగా సంతోష్ శ్రీ‌నివాస్ ద‌ర్శ‌క‌త్వంలో ఓ సినిమా రూపొంద‌నున్న సంగ‌తి తెలిసిందే. రేపు (శుక్ర‌వారం) పూజా కార్య‌క్ర‌మాల‌తో ప్రారంభం కానున్న ఈ చిత్రంలో… సాయిశ్రీ‌నివాస్ కి జోడీగా న‌భా న‌టేష్ ఎంపికైంద‌ని ప్ర‌చారం సాగుతోంది. మ‌రి… ఈ వార్త‌ల్లో ఎంత నిజముందో తెలియాలంటే రేప‌టి వ‌ర‌కు వేచిచూడాల్సిందే.