‘చిత్రం’, నువ్వు నేను’, ‘మనసంతా నువ్వే’.. ఇలా కెరీర్ ఆరంభంలోనే హ్యాట్రిక్ విజయాలను చవి చూసి.. తెలుగు సినీ పరిశ్రమలో సంచలనాన్ని సృష్టించాడు యంగ్ హీరో ఉదయ్ కిరణ్. అలా వరుస విజయాలతో దూకుడు మీద ఉన్న ఈ హీరో కెరీర్, లైఫ్ ఒక్కసారిగా ఒడిదుడుకులకు లోనయింది. ఇక ఆ ఒత్తిడిని తట్టుకోలేక ఆత్మహత్య చేసుకొని చనిపోయిన సంగతి కూడా విదితమే.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఇప్పటికే టాలీవుడ్ లో ఎంతో మంది బయోపిక్ లు తెరకెక్కించగా.. ఇంకా కొంత మంది బయోపిక్ లు కూడా రూపొందుతున్నాయి. ఈ నేపథ్యంలో దివికేగిన ఉదయకిరణ్ బయోపిక్ కూడా తెరకెక్కిస్తున్నట్టు గతకొద్ది కాలంగా వార్తలు వస్తున్న సంగతి తెలిసిందే. అంతేకాదు ఓ యంగ్ హీరో ఈ బయోపిక్ చేయడానికి సందీప్ కిషన్ గ్రీన్ సిగ్నల్ ఇచ్చాడన్న వార్తలు కూడా జోరుగా వినిపించాయి.
అయితే ఇప్పుడు తాజాగా ఈ వార్తలపై స్పందించిన సందీప్ కిషన్ క్లారిటీ ఇచ్చినట్టు తెలుస్తుంది. తాను ఏ బయోపిక్ లో నటించట్లేదని.. ఈ వార్తల్లో ఏ మాత్రం నిజం లేదని క్లారిటీ ఇచ్చాడు. మరి ఈ బయోపిక్ నిజంగానే వస్తోందా..? లేక కేవలం ప్రకటన వరకే పరిమితం అవుతుందా అనేది చూడాలి.
కాగా ప్రస్తుతం సందీప్ కిషన్ హీరోగా నటిస్తున్న కొత్త చిత్రం `A1 ఎక్స్ప్రెస్`. ఇటీవలే లాంఛనంగా ప్రారంభమైన ఈ సినిమా ప్రస్తుతం షూటింగ్ ను జరుపుకుంటుంది. డెన్నిస్ జీవన్ దర్శకత్వంలో పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, వెంకటాద్రి టాకీస్ పతాకాలపై టీజీ విశ్వప్రసాద్, అభిషేక్ అగర్వాల్, సందీప్ కిషన్, దయా పన్నెం ఈ చిత్రాన్ని నిర్మిస్తున్నారు. హిప్ హాప్ తమిళ సంగీతం అందిస్తున్న ఈ చిత్రానికి కెవిన్ రాజు సినిమాటోగ్రఫీ అందిస్తున్నారు. ఛోటా కె.ప్రసాద్ ఎడిటర్గా వర్క్ చేస్తున్నారు. హకీ బ్యాక్డ్రాప్లో తెరకెక్కుతున్న తొలి తెలుగు చిత్రమిది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: