స్టైలిష్ స్టార్ అల్లు అర్జున్, ఏస్ డైరెక్టర్ త్రివిక్రమ్ శ్రీనివాస్ కాంబినేష‌న్‌లో తెరకెక్కుతున్న చిత్రం ‘అల వైకుంఠపురములో’. ఫ్యామిలీ ఎంటర్‌టైనర్‌గా రూపొందుతున్న ఈ క్రేజీ ప్రాజెక్ట్‌లో బన్నీ సరసన పూజా హెగ్డే కథానాయికగా నటిస్తుండగా… టబు, సుశాంత్, నివేదా పేతురాజ్, జ‌య‌రామ్‌, సునీల్‌, న‌వ‌దీప్‌, రాజేంద్రప్రసాద్ ముఖ్య పాత్రలు పోషిస్తున్నారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉంటే… చిత్రీక‌ర‌ణ తుది ద‌శ‌కు చేరుకున్న ఈ సినిమాకి సంబంధించిన తాజా షెడ్యూల్ యూరప్లో జ‌రుగ‌నుంద‌ని స‌మాచారం. అక్కడ బన్నీ, పూజపై ఒక రొమాంటిక్ సాంగ్‌ను షూట్ చేయనున్నారని తెలిసింది. అంతేకాదు… సినిమాపై మరింత క్రేజ్ తీసుకొచ్చేందుకు ఈ పాట తాలూకు మేకింగ్ వీడియోస్‌ను కూడా విడుదల చేసే విధంగా ప్లాన్ చేస్తోందట చిత్రబృందం. కాగా, ఇప్పటికే విడుదలైన “సామజవరగమన”, “రాములో రాములా” గీతాలు శ్రోతలను అలరిస్తుండగా… త్వరలో రిలీజ్‌ కానున్న ఈ రొమాంటిక్ సాంగ్ కూడా అదే స్థాయిలో అల‌రిస్తుందేమో చూడాలి.
యువ సంగీత సంచలనం థమన్ స్వరాలు సమకూరుస్తున్న ఈ క్రేజీ ప్రాజెక్ట్‌ను… గీతా ఆర్ట్స్, హారిక అండ్ హాసిని క్రియేషన్స్ సంస్థ‌లు సంయుక్తంగా నిర్మిస్తున్నాయి. సంక్రాంతి కానుకగా 2020 జనవరి 12న ‘అల వైకుంఠపురములో’ విడుదల కానున్న సంగ‌తి తెలిసిందే.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
