మ‌రో క్రైమ్ థ్రిల్ల‌ర్‌తో ‘దేవదాస్’ ద‌ర్శ‌కుడు?

‘భలే మంచి రోజు’(2015)తో దర్శకుడిగా తొలి అడుగులు వేసాడు శ్రీరామ్ ఆదిత్య. అనంతరం ‘శమంతకమణి’(2017), ‘దేవదాస్’(2018)తో టాలెంటెడ్ డైరెక్ట‌ర్‌గా పేరు తెచ్చుకున్నాడు. ఆస‌క్తిక‌ర‌మైన విషయమేమిటంటే… ఈ మూడు చిత్రాలు కూడా క్రైమ్, థ్రిల్లింగ్‌ అండ్ కామెడీ ఎలిమెంట్స్‌తో రూపొందాయి. కాగా… త‌న నాలుగో సినిమాని కూడా క్రైమ్ థ్రిల్ల‌ర్‌గానే ఆదిత్య ప్లాన్ చేశాడ‌ని స‌మాచారం.

ఆ వివరాల్లోకి వెళితే… ప్ర‌ముఖ రాజ‌కీయ నాయ‌కుడు గ‌ల్లా జయదేవ్ కుమారుడు, సూపర్ స్టార్ మహేష్ బాబు మేనల్లుడు గల్లా అశోక్ కథానాయకుడిగా ఓ చిత్రం రూపొందనుంది. క్రైమ్ బ్యాక్‌డ్రాప్‌తో పాటు మదర్ సెంటిమెంట్‌తో సాగే ఈ ఇంట్రెస్టింగ్ ప్రాజెక్ట్‌కు… శ్రీరామ్ ఆదిత్య దర్శకత్వం వహిస్తున్నాడని టాక్‌.

కాగా… గల్లా జయదేవ్ నిర్మించ‌నున్న ఈ క్రేజీ ప్రాజెక్ట్‌కు సంబంధించిన‌ పూర్తి వివ‌రాలు త్వ‌ర‌లోనే అధికారికంగా వెల్లడయ్యే అవ‌కాశ‌ముంది.