కార్తి కథానాయకుడిగా లోకేష్ కనకరాజ్ దర్శకత్వంలో రూపొందిన తమిళ చిత్రం `ఖైదీ`. రా- యాక్షన్ థ్రిల్లర్గా రూపొందిన ఈ సినిమా… తెలుగులోనూ అదే పేరుతో అనువాదం కానుంది. ఇందులో యావజ్జీవ ఖైదీ పాత్రలో దర్శనమివ్వనున్నాడు కార్తి. పదేళ్ళుగా జైలుశిక్ష అనుభవిస్తున్న దిల్లీ అనే ఓ ఖైదీ… తన పదేళ్ళ కూతురిని చూడడం కోసం ఓ రోజు రాత్రి చెరసాల నుంచి తప్పించుకుంటాడు. ఈ నేపథ్యంలో… దిల్లీకి ఎదురైన అనుభవాలేంటి? అనే అంశంతో `ఖైదీ` తెరకెక్కింది. నాలుగు గంటల్లో చోటుచేసుకున్న పరిణామాల చుట్టూ అల్లుకున్న ఈ కథలో థ్రిల్లింగ్ ఎలిమెంట్స్తో పాటు తండ్రీకూతుళ్ళ అనుబంధానికి కూడా పెద్ద పీట వేశాడు దర్శకుడు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇదిలా ఉంటే… తాజాగా `ఖైదీ`కి సంబంధించిన సెన్సార్ కార్యక్రమాలు పూర్తయ్యాయి. సెన్సార్ కమిటీ ఈ చిత్రానికి `యు/ఎ` సర్టిఫికేట్ జారీ చేసింది. అలాగే… ఈ సినిమా 146 నిమిషాల 23 సెకండ్ల (2 గంటల 26 నిమిషాల 23 సెకండ్ల) నిడివితో థియేటర్లలోకి రానుంది. సామ్ సి.ఎస్. సంగీతమందించిన `ఖైదీ`… దీపావళి కానుకగా ఈ నెల 25న ప్రేక్షకుల ముందుకు రానుంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
