అలనాటి మేటి నటి శారదకు జాతీయస్థాయిలో `ఉత్తమ నటి`గా గుర్తింపునిచ్చిన మలయాళ చిత్రం ‘తులాభారం’. పేదరికం వల్ల… పెంచే స్థోమత లేక కన్నపిల్లల్నే చంపుకున్న ఓ తల్లి కథే ఈ సినిమా. మ‌ల‌యాళంలో ఘ‌న‌విజ‌యం సాధించిన ఈ చిత్రాన్ని తెలుగులో ‘మనుషులు మారాలి’ పేరుతో రీమేక్ చేశారు దర్శకుడు వి.మధుసూద‌నరావు. శోభన్‌బాబు, శారద జంటగా నటించిన ఈ సినిమాలో హరనాథ్, కాంచన, గుమ్మడి వెంకటేశ్వరరావు ముఖ్య భూమిక‌లు పోషించారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
దిగ్గజ స్వరకర్త కె.వి.మహదేవన్ సంగీత సార‌థ్యంలో సంద‌ర్భోచితంగా వ‌చ్చే పాటలన్నీ ప్రేక్షకాదరణ పొందాయి. ముఖ్యంగా “మారాలి మారాలి మనుషులు మారాలి”, “పాపాయి నవ్వాలి”, “తూరుపు సిందూరపు”, “చీకటిలో కారు చీకటిలో” వంటి గీతాలు బాగా ప్రాచుర్యం పొందాయి. ఈ చిత్రాన్ని తమిళంలో ‘తులాభారం’ పేరుతోనూ, హిందీలో ‘సమాజ్ కో బదల్ డాలో’ టైటిల్‌తోనూ పునర్నిర్మించారు. నాలుగు వెర్ష‌న్స్‌లోనూ శారద ప్ర‌ధాన పాత్రను పోషించడం విశేషం. అంతేకాదు… ఈ చిత్రానికి అసోసియేట్ డైరెక్టర్స్‌గా పనిచేసిన కె.రాఘవేంద్రరావు, పి.సి.రెడ్డి, ఎ.కోదండరామిరెడ్డి తరువాతి కాలంలో అగ్ర దర్శకులుగా మంచి గుర్తింపు తెచ్చుకోవ‌డం మ‌రో విశేషం. జెమినీ స్టూడియోస్ నిర్మించిన ఈ మెసేజ్ ఓరియెంటెడ్ ఫిల్మ్‌… అప్పట్లో సిల్వర్ జూబ్లీ వేడుక‌లు జరుపుకుంది. మహాత్మా గాంధీ శతదినోత్సవ జయంతి సందర్భంగా అంటే… 1969 అక్టోబర్ 2న విడుదలైన ‘మనుషులు మారాలి’… నేటితో 50 వ‌సంతాల‌ను పూర్తి చేసుకుంటోంది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
