మెగాస్టార్ చిరంజీవి కథానాయకుడిగా ప‌లు మెసేజ్ ఓరియంటెడ్ ఫిల్మ్స్ వ‌చ్చాయి. వాటిలో `ఠాగూర్` ఒక‌టి. లంచ‌గొండి వ్య‌వ‌స్థ‌పై పోరాటం సాగించిన ఠాగూర్ అనే ఓ ప్రొఫెస‌ర్ క‌థ‌తో ఈ చిత్రం తెర‌కెక్కింది. `ఇంద్ర` వంటి ఇండస్ట్రీ హిట్ త‌రువాత చిరు నటించిన ఈ సినిమా కూడా అదే బాట ప‌ట్టింది. అంతేకాదు… ప్ర‌స్తుతానికి చిరు కెరీర్‌లో ఇదే చివ‌రి ఇండస్ట్రీ హిట్ కావ‌డం విశేషం. శ్రియ, జ్యోతిక కథానాయికలుగా నటించిన ఈ బ్లాక్‌బ‌స్ట‌ర్ మూవీలో ప్రకాష్ రాజ్, పునీత్ ఇస్సార్, కోట శ్రీనివాసరావు, షాయాజీ షిండే, సునీల్, కె.విశ్వనాథ్, ఎం.ఎస్.నారాయణ, రమాప్రభ, ఉత్తేజ్‌ తదితరులు ఇతర ముఖ్య భూమికలు పోషించారు. తమిళ చిత్రం ‘రమణ’(2002) ఆధారంగా రూపొందిన `ఠాగూర్`కి వి.వి.వినాయక్ ద‌ర్శ‌క‌త్వం వ‌హించ‌డ‌మే కాకుండా… అతిథి పాత్ర‌లో మెరిసారు.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
“మెలోడీ బ్రహ్మ” మణిశర్మ స్వరసారథ్యంలో రూపొందిన పాటలన్నీ విశేషాదరణ పొందాయి. “చిన్నగ చిన్నగ”, “కొడితే కొట్టాలిరా”,“వానొచ్చేనంటే”, “గప్పుచిప్పు”, “మన్మథా మన్మథా”, “నేను సైతం”… ఇలా ప్ర‌తీ పాట శ్రోత‌ల‌ను అల‌రించింది. అంతేకాదు… ఈ సినిమాతోనే `నేను సైతం`పాట‌కిగానూ `ఉత్త‌మ గీత ర‌చ‌యిత`గా సుద్దాల అశోక్ తేజ జాతీయ పుర‌స్కారాన్ని అందుకున్నారు. లియో ప్రాజెక్ట్స్ (ప్రై) లిమిటెడ్ బ్యానర్‌పై బి.మధు ఈ చిత్రాన్ని నిర్మించారు. 2003 సెప్టెంబర్ 24న విడుదలైన `ఠాగూర్`… నేటితో 16 వసంతాలను పూర్తి చేసుకుంటోంది.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
