తమ్ముడి సినిమాకు నిర్మాతగా అన్న..?

తెలుగు ఇండస్ట్రీలోకి అడుగుపెట్టిన అతికొద్ది కాలంలోనే టాప్ హీరో రేంజ్ కి ఎదిగాడు విజయ్ దేవరకొండ. రౌడీ హీరో అని యూత్ ముద్దుగా పిలుచుకునే ఈ హీరో టాలీవుడ్ మోస్ట్ వాంటెడ్ హీరో అయ్యాడు. ఇక ఒక పక్క సినిమాలు చేస్తూనే మరో పక్క ప్రొడక్షన్ కూడా స్టార్ చేసాడు. ఇప్పటికే తనకు పెళ్లి చూపులు లాంటి బ్లాక్ బస్టర్ హిట్ ఇచ్చిన తరుణ్ భాస్కర్ తో ఓ సినిమా చేస్తున్న విషయం తెలిసిందే. ఇప్పుడు తాజాగా మరో వార్త వినిపిస్తుంది. అదేంటంటే.. తన తమ్ముడు ఆనంద్ దేవరకొండతో విజయ్ ఓ సినిమా చేయబోతున్నట్టు వార్తలు వినిపిస్తున్నాయి.

‘దొరసాని’ సినిమాతో తెలుగు సినీ పరిశ్రమలో అడుగుపెట్టాడు ఆనంద్. పీరియాడిక్ డ్రామా నేపథ్యం లో తెరకెక్కిన ఈ సినిమా నిరాశ పరిచినా..ఆనంద్ నటనకు గాను మంచి మార్కులే పడ్డాయి. అయితే తన తమ్ముడి మొదటి సినిమాకు విజయ్ పెద్దగా సపోర్ట్ ఇవ్వలేదని తానే ఒప్పుకున్నాడు. కానీ ఈ సారి మాత్రం తన సపోర్ట్ తమ్ముడికి ఇవ్వాలని చూస్తున్నాడట విజయ్. దీనిలో భాగంగానే తానే ప్రొడ్యూసర్ గా ఆనంద్ తో ఓ సినిమాకు తీయనున్నాడట. ఓ కొత్త దర్శకుడితో ఈ సినిమాను రూపొందించనున్నారట. ప్రస్తుతం ఈ సినిమాలో నటించే నటీనటులు, సాంకేతిక నిపుణుల కోసం చూస్తున్నారట. అంత సెట్ అయిన తర్వాత అధికారికంగా ప్రకటించనున్నట్టు తెలుస్తుంది.

ఇక రీసెంట్ గా డియర్ కామ్రేడ్ తో ప్రేక్షకుల ముందుకు వచ్చిన విజయ్ కు ఆ సినిమా అనుకున్నంత విజయం ఇవ్వలేకపోయింది. ఇప్పటికే రెండు మూడు సినిమాలు చేస్తుండగా.. మొన్నీమద్యే పూరి తో మరో సినిమా చేస్తున్నట్టు ప్రకటించాడు. మరి విజయ్ కు ఆల్రెడీ సక్సెస్ వచ్చింది తమ్ముడికి ఎంత వరకు సక్సెస్ తెచ్చిపెడతాడో చూద్దాం.