డాక్టర్‌గా కనిపించనున్న కాజ‌ల్

వైవిధ్యభరితమైన పాత్రలతో ముందుకు సాగుతున్న కథానాయిక కాజల్ అగర్వాల్. ‘లక్ష్మీకళ్యాణం’, ‘చందమామ’, ‘మగధీర’, ‘బృందావనం’, ‘Mr.ప‌ర్‌ఫెక్ట్’, ‘అ!’, ‘సీత’… ఇలా పలు చిత్రాల్లో అభినయానికి అవకాశమున్న పాత్రల్లో అలరించింది ఈ ఉత్తరాది సోయగం. కాగా… కాజల్ కథానాయికగా నటించిన తాజా చిత్రం ‘రణరంగం’ పంద్రాగస్టున ప్రేక్షకుల ముందుకు రానుంది. ఈ సందర్భంగా ఈ సినిమాలో తన పాత్రకు సంబంధించి కొన్ని ఆసక్తికరమైన విషయాలను మీడియాతో పంచుకుంది కాజల్.

ఇందులో డాక్టర్‌ పాత్రలో కనిపిస్తానని… కథను ముందుకు నడిపే ఈ పాత్ర ద్వితీయార్థంలో వస్తుందని తెలిపింది కాజల్. అంతేకాదు… ‘అ!’ ఫేమ్ ప్రశాంత్‌ వర్మ దర్శకత్వంలో నటించనున్న కొత్త చిత్రం నవంబర్ నుంచి పట్టాలెక్కుతుందనీ, అందులో ఛాలెంజింగ్ రోల్ చేయబోతున్నట్టు పేర్కొంది. ఇక ‘భారతీయుడు’కి సీక్వెల్‌గా రూపొందుతున్న ‘భారతీయుడు 2’లో ఓ శక్తిమంతమైన పాత్రలో దర్శనమివ్వనున్నట్టు ముక్తాయించింది కాజల్.

[subscribe]

[youtube_video videoid=d42sa1Du_j4]