నా సొంత బ్యానర్లోనే తరువాత సినిమా..

ఆర్ఎక్స్ 100 సినిమాతో తనకంటూ ప్రత్యేక గుర్తింపు తెచ్చుకున్న కార్తికేయ.. ఇటీవలే హిప్పీ తో ప్రేక్షకులను అలరించాడు. అయితే హిప్పీ నిరాశనే మిగిల్చింది. ఇప్పుడు ‘గుణ 369′ తో తన అదృష్టాన్ని పరీక్షించుకోనున్నాడు. ఈ నేపథ్యంలో ప్రమోషన్ లో భాగంగా ఇంటర్వ్యూ లో పాల్గొన్న కార్తికేయ తన కొత్త సినిమాల గురించి పలు ఆసక్తికరమైన విశేషాలు పంచుకున్నాడు.

ఈ సినిమా తరువాత నేను గీతా ఆర్ట్స్ లో చేయనున్నాననే ప్రచారం జరుగుతోంది. ఒక వేదికపై నాకు .. అల్లు అరవింద్ గారికి జరిగిన సంభాషణ కారణంగా అలా అనుకుంటున్నారు .. కానీ అలాంటిదేమీ లేదు.’గుణ 369’ తరువాత నేను చేయనున్న సినిమా ఆల్రెడీ మొదలైపోయింది. శేఖర్ విఖ్యాత్ అనే దర్శకుడితో నా సొంత బ్యానర్లోనే ఈ సినిమా చేస్తున్నాను. ఇప్పటికే కొంతవరకూ చిత్రీకరణ జరిగింది. ఈ ఏడాది చివరిలో విడుదల చేయాలనే ఆలోచనలో వున్నాము. ‘శ్రీ’ అనే మరో కొత్త దర్శకుడి ప్రాజెక్టును కూడా చేసే అవకాశం వుంది” అని చెప్పుకొచ్చాడు. మొత్తానికి యంగ్ హీరోలు ఈ మధ్య ఎవరి ప్రొడక్షన్ వాళ్ళు సొంతగా పెట్టుకుంటున్నారు. వాళ్ల సినిమాలు వాళ్ళే తీసుకుంటున్నారు.

[subscribe]

[youtube_video videoid=yVCzt0mxxAk]