‘ఆర్ఎక్స్ 100’ సినిమా ఘన విజయంతో యూత్ లో మంచి క్రేజ్ సంపాదించుకున్న యువ నటుడు కార్తికేయ. సినిమా జయాపజయాలతో పనిలేకుండా ఈ హీరో కూడా వరుస సినిమాలతో దూసుకుపోతున్నాడు. ఇటీవలే హిప్పీ సినిమాతో ప్రేక్షకుల ముందుకు వచ్చిన కార్తికేయ… ఇప్పుడు ‘గుణ 369’ సినిమాతో ప్రేక్షకుల ముందుకు రానున్నాడు. బోయపాటి దగ్గర అసోసియేట్ గా పనిచేసిన అర్జున్ జంధ్యాల దర్శకత్వంలో ఈ సినిమా రూపొందుతుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఆగష్ట్ 2 వ తేదీన రిలీజ్ కానున్న ఈ నేపథ్యంలో ప్రమోషన్ కార్యక్రమాలు మొదలుపెట్టింది చిత్రయూనిట్. ఇప్పటికే ఈ సినిమా నుండి టీజర్ ను, పాటలను రిలీజ్ చేయగా వాటికి మంచి రెస్పాన్స్ వచ్చింది. తాజాగా ఈ సినిమా సెన్సార్ కార్యక్రమాలను పూర్తిచేసుకుంది. సెన్సార్ బోర్డువారు ఈ సినిమాకి U/A సర్టిఫికెట్ ను మంజూరు చేశారు.
కాగా ఈ సినిమాలో కార్తికేయకు జోడిగా.. అనఘ అనే మలయాళ బ్యూటీ హీరోయిన్ గా నటిస్తుంది. ఈ సినిమాను జ్ఞాపిక ప్రొడక్షన్స్ మరియు స్ప్రింట్ మీడియా కలిసి సంయుక్తంగా నిర్మిస్తున్నాయి. తిరుమల రెడ్డి – అనిల్ కడియాల నిర్మాతలు. RX 100 సినిమాకు సంగీతం అందించిన చైతన్ భరద్వాజే ఈ సినిమాకు కూడా సంగీతం అందిస్తున్నారు. మరి ఈ సినిమా కార్తికేయకు ఎంత వరకూ సక్సెస్ అందిస్తుందో చూద్దాం.
[subscribe]
[youtube_video videoid=ILY3zkBenNU]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
