గాంధీ జ‌యంతికి అమితాబ్ బ‌చ్చ‌న్‌ డ‌బుల్ ధ‌మాకా?

అమితాబ్ బ‌చ్చ‌న్‌… భార‌తీయ చిత్ర ప‌రిశ్ర‌మ‌లో ఈ పేరే ఒక బ్రాండ్‌. ఐదు ద‌శాబ్దాల అభిన‌య ప‌ర్వంలో ప‌లు విభిన్న భూమిక‌ల‌ను పోషించి… భార‌తీయ య‌వ‌నిక‌పై త‌న‌దైన ముద్ర వేశారాయ‌న‌. కేవ‌లం క‌థానాయ‌కుడి పాత్ర‌ల‌కే ప‌రిమితం కాకుండా… ఎన్నో విల‌క్ష‌ణ పాత్ర‌ల్లో క‌నిపించి ఆ పాత్ర‌ల‌కే వ‌న్నె తెచ్చారు బిగ్ బి.

అలాంటి అమితాబ్‌కి 2019 గాంధీ జ‌యంతి (అక్టోబ‌ర్ 2) ఎంతో ప్ర‌త్యేకం కానుంది. ఎందుకంటే… ఆ రోజున అమితాబ్ కీల‌క పాత్ర‌ల్లో న‌టించిన రెండు సినిమాలు జ‌నం ముందుకు రానున్నాయని స‌మాచారం. ఆ చిత్రాలే… `సైరా న‌ర‌సింహారెడ్డి`, `జుంద్‌`. హిస్టారిక‌ల్ డ్రామాగా తెర‌కెక్కిన `సైరా`లో ఉయ్యాల‌వాడ న‌ర‌సింహారెడ్డి (మెగాస్టార్ చిరంజీవి పోషిస్తున్న పాత్ర‌)కి గురువుగా న‌టించిన‌ అమితాబ్‌… స్పోర్ట్స్ డ్రామాగా రూపొందుతున్న `జుంద్‌`లో ఫుట్‌బాల్ కోచ్‌గా ద‌ర్శ‌న‌మివ్వ‌నున్నారు.

ఒక‌ర‌కంగా చెప్పాలంటే… రెండు కూడా గురువు పాత్ర‌లే. మ‌రి… స్పెష‌ల్ డేకి రానున్న ఈ వెరీ స్పెష‌ల్ మూవీస్‌తో అమితాబ్ మ‌రోసారి అభిమానుల‌ను మురిపిస్తారేమో చూద్దాం.