వైవిధ్యభరితమైన చిత్రాలకు చిరునామాగా నిలుస్తున్న యువ కథానాయకుడు విజయ్ దేవరకొండ. ఈ టాలెంటెడ్ హీరో నటించిన తాజా చిత్రం ‘డియర్ కామ్రేడ్’ విడుదలకు సిద్ధం కాగా… క్రాంతి మాధవ్ దర్శకత్వంలో రూపొందుతున్న ‘బ్రేకప్’(ప్రచారంలో ఉన్న పేరు), ఆనంద్ అన్నామలై డైరెక్షన్లో తెరకెక్కుతున్న ‘హీరో’ చిత్రీకరణ దశలో ఉన్నాయి. ఇలా వరుస సినిమాలతో బిజీగా ఉన్న ఈ క్రేజీ స్టార్తో ఓ ఇంట్రెస్టింగ్ ప్రాజెక్ట్ చేయడానికి బ్రిలియంట్ డైరెక్టర్ విక్రమ్ కె కుమార్ సిద్ధంగా ఉన్నట్టు టాలీవుడ్ టాక్.
ఆ వివరాల్లోకి వెళితే… ‘మనం’, ‘24’ వంటి వైవిధ్యభరితమైన చిత్రాలతో తెలుగు ప్రేక్షకులను అలరించిన విక్రమ్ కుమార్… ప్రస్తుతం నాని హీరోగా `గ్యాంగ్ లీడర్`ను రూపొందిస్తున్న సంగతి తెలిసిందే. ఈ సినిమా పూర్తి కావస్తున్న నేపథ్యంలో తన తదుపరి చిత్రాన్ని విజయ్తో చేయడానికి విక్రమ్ ప్లాన్ చేస్తున్నాడని సమాచారం. అంతేకాదు… ఇప్పటికే ఓ డిఫరెంట్ కాన్సెప్ట్తో కథను సిద్ధం చేసాడట. ప్రస్తుతం వరుస సినిమాలతో బిజీగా ఉన్న విజయ్ను త్వరలోనే కలసి తన స్క్రిప్ట్ను వినిపించనున్నాడట విక్రమ్.
కాగా… ప్రముఖ నిర్మాత శరత్ మరార్ ఈ ఇంట్రెస్టింగ్ ప్రాజెక్ట్ని నిర్మించనున్నాడని టాక్. డిఫరెంట్ కాన్సెప్ట్స్తో సినిమాలను తెరకెక్కించే విక్రమ్… అటువంటి కథలనే ఎంచుకుంటూ కెరీర్లో ముందుకు సాగుతున్న విజయ్… ఈ ఇద్దరి కలయికలో సినిమా అంటే అంచనాలు భారీగానే ఉంటాయి. త్వరలోనే ఈ క్రేజీ కాంబినేషన్పై క్లారిటీ వచ్చే అవకాశముంది.
[subscribe]
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
Subscribe to our Youtube Channel Telugu Filmnagarfor the latest Tollywood updates.
Download the My Mango Appfor more amazing videos from the Tollywood industry.