మెగా హీరో సినిమాకు ఇంట్రెస్టింగ్ టైటిల్స్

మెగా మేనల్లుడు, సాయి ధరమ్‌ తేజ్‌ తమ్ముడు వైష్ణవ్‌ తేజ్‌ హీరోగా పరిచయం అవుతూ కొత్త సినిమా తెరకెక్కుతున్న సంగతి తెలిసిందే. సుకుమార్ శిష్యుడు బుచ్చిబాబు దర్శకత్వం వహిస్తున్న ఈ సినిమా ప్రస్తుతం షూటింగ్ ను జరుపుకుంటుంది. సుకుమార్ రైటింగ్స్‌, మైత్రీ మూవీ మేకర్స్‌ సంస్థలు సంయుక్తంగా ఈ సినిమాను నిర్మిస్తున్నారు.

ఇదిలా ఉండగా ఈ సినిమాకు మాత్రం పలు టైటిల్స్ వార్తల్లో హల్ చల్ చేస్తున్నాయి. ఇప్పటికే ఈ సినిమాకు ‘జాలరి’ అనే టైటిల్‌ను ఫిక్స్‌ చేశారంటూ ప్రచారం జరిగింది. ఈ సినిమాలో తాను జాలరి లా నటిస్తున్న నేపథ్యంలో ఈ టైటిల్ పిక్స్ చేశారనుకున్నారు. అయితే ఈ టైటిల్ విషయంలో మాత్రం చిత్రయూనిట్ నుంచి ఎలాంటి క్లారిటీ రాలేదు. తాజాగా మరో ఇంట్రెస్టింగ్ టైటిల్‌ తెర మీదకు వచ్చింది. ఈ సినిమాకు ‘ఉప్పెన’ అనే టైటిల్‌ను పరిశీలిస్తున్నట్టుగా తెలుస్తోంది. అంతేకాదు ఈ టైటిల్‌ను చిత్ర నిర్మాతలు రిజిస్టర్ చేయించారట. మరి ఈ టైటిల్ పై అయినా చిత్రయూనిట్ క్లారిటీ ఇస్తుందో?లేదో?

కాగా ఇందులో తమిళ స్టార్‌ హీరో విజయ్‌ సేతుపతి కీలక పాత్ర పోషిస్తున్నాడు. దేవిశ్రీ ప్రసాద్‌ సంగీతం అందిస్తున్న ఈ సినిమాకు.. శ్యామ్ ద‌త్ సైనుద్దీన్ సినిమాటోగ్రఫీ అందిస్తున్నారు. ఇక ఈ సినిమాలో మిగిలిన నటీనటుల వివరాలను త్వరలో తెలియజేయనున్నారు.

[subscribe]
[youtube_video videoid=QtGr3NQVyyk ]