తెలుగు నాట… యమ
సందడికి తిరుగులేదు. అందుకే… యమగోల
(ఎన్టీఆర్), యముడికి మొగుడు
(చిరంజీవి), యమదొంగ
(జూనియర్ ఎన్టీఆర్) వంటి పేర్లతో వచ్చిన స్టార్ హీరోల సోషియో – ఫాంటసీ ఫిల్మ్స్ బాక్సాఫీస్ వద్ద వసూళ్ళ వర్షం కురిపించాయి. అయితే… అప్పటివరకు హాస్య నటుడిగా రాణిస్తున్న ఓ యువ నటుడు… కథానాయకుడిగా మారి అలరించడమే కాకుండా… చిరస్మరణీయ విజయాన్ని సొంతం చేసుకున్న వైనం మాత్రం… యమ
శబ్ధం ఉన్న యమలీల
తోనే సాధ్యమైంది. ఆ హాస్య నటుడే… అలీ. భవిష్యవాణి, అమ్మ సెంటిమెంట్… ఈ రెండు అంశాలు ఈ సోషియో ఫాంటసీకి ప్రెష్ నెస్ను తీసుకొచ్చి… ఘనవిజయం ముంగిట నిలిపాయి. అలా… అలీ కెరీర్లో మరపురాని చిత్రంగా నిలచిపోయింది యమలీల
. ఓ వైపు కామెడీతో ప్రేక్షకులను నవ్విస్తూనే… మరోవైపు మదర్ సెంటిమెంట్తో ప్రేక్షకుల కళ్ళు చెమర్చేలా నటించాడు అలీ.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక కుటుంబ సమేతంగా చూడదగ్గ సినిమాలను తెరకెక్కిస్తూ… వరుస విజయాలతో దూసుకుపోతున్న ఎస్.వి.కృష్ణారెడ్డి.. ఆబాలగోపాలాన్ని అలరించేలా యమలీల
ను తీర్చిదిద్దిన తీరు రమణీయం, కమనీయం. అలాగే… మనీషా ఫిలిమ్స్ వారి నిర్మాణ విలువలు ఈ చిత్రానికి మరింత వన్నె తెచ్చాయి. కిషోర్ రాఠి, అచ్చిరెడ్డి సంయుక్తంగా నిర్మించిన ఈ చిత్రంలో అలీకి జోడీగా ఇంద్రజ నటించగా… యముడి పాత్రలో మరోసారి జీవించి అలరించారు కైకాల సత్యనారాయణ. మంజుభార్గవి, తనికెళ్ళ భరణి, కోట శ్రీనివాసరావు, బ్రహ్మానందం, లతాశ్రీ తదితరులు ముఖ్య భూమికలు పోషించిన ఈ చిత్రంలో… జుంబారే
అంటూ సూపర్స్టార్ కృష్ణ ఓ ప్రత్యేక గీతంలో దర్శనమివ్వడం ఆయన అభిమానులను అలరించింది. 1994 ఏప్రిల్ 28న విడుదలైన ‘యమలీల’… నేటితో 25 వసంతాలను పూర్తిచేసుకుంది.
‘యమలీల’ – కొన్ని విశేషాలు:
- అలీ హీరోగా పరిచయమైన తొలి చిత్రమిదే. ‘యమలీల’ రిలీజైన ఏడాదికి అంటే… 1995 ఏప్రిల్ 27న అలీ, కృష్ణారెడ్డి కలయికలో మరో సోషియో-ఫాంటసీ ఫిల్మ్ ‘ఘటోత్కచుడు’ విడుదల కావడం విశేషం.
- ఈ చిత్రాన్ని విక్టరీ వెంకటేష్, రవీనా టాండన్ జంటగా ‘తక్దీర్వాలా’ పేరుతో హిందీలోనూ… కార్తీక్, సంఘవి జోడిగా ‘లక్కీమాన్’ పేరుతో తమిళంలోనూ రీమేక్ చేసారు.
- ‘యమలీల’కు సీక్వెల్గా రెండు దశాబ్దాల తరువాత అంటే 2014లో ‘యమలీల 2’ పేరుతో మరో చిత్రాన్ని తెరకెక్కించాడు ఎస్వీ కృష్ణారెడ్డి. ఇందులో కలెక్షన్ కింగ్ మోహన్ బాబు యముడి పాత్రలో అలరించారు.
[subscribe]
[youtube_video videoid=pY_DTXu4D3Y]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: