వాల్మీకి లాంగ్ షెడ్యూల్ లో వరుణ్

హరీష్ శంకర్ దర్శకత్వంలో మెగా ప్రిన్స్ వరుణ్ తేజ్ వాల్మీకి సినిమాలో నటిస్తున్న సంగతి తెలిసిందే. కోలీవుడ్ మూవీ జిగర్తాండ సినిమా రీమేక్ గా తెరకెక్కుతున్న ఈ సినిమాలో వరుణ్ మొదటిసారిగా నెగిటివ్ క్యారెక్టర్ లో కనిపించనున్నాడు. ఇదిలా ఉండగా ఈ సినిమా తాజా అప్ డేట్ ఏంటంటే…గత నెలలో ఈ సినిమా షూటింగ్ స్టార్ట్ కాగా ప్రస్తుతం రెండవ షెడ్యూల్ జరుగుతుంది. ఇక ఈషెడ్యూల్ లో మెగా హీరో వరుణ్ తేజ్ పాల్గొంటున్నాడు. సుమారు 35 రోజుల పాటు ఈ షెడ్యూల్ జరుగనున్నట్టు తెలుస్తోంది.

కాగా ఈ సినిమాలో తమిళ యువ హీరో అథర్వ మురళి.. ఆయనకు జోడీగా తమిళ డబ్ స్మాష్ ఫేమ్ మృణాళిని రవి కథానాయికగా నటిస్తోంది. ఈ చిత్రానికి దేవి శ్రీ ప్రసాద్ సంగీతం అందిస్తున్నాడు. 14 రీల్స్ ప్లస్ బ్యానర్ ఫై రామ్ ఆచంట , గోపీచంద్ ఆచంట ఈ సినిమాను నిర్మిస్తున్నారు.

ఇక ఈ సినిమాతోపాటు ప్రస్తుతం వరుణ్ నూతన దర్శకుడు కిరణ్ కొర్రపాటి దర్శకత్వంలో కూడా ఓ సినిమా చేస్తున్న సంగతి తెలిసిందే. ఈ సినిమాలో వరుణ్ బాక్సర్ గా నటించనున్నాడు. దీనిలో భాగంగానే వరుణ్ ఈ సినిమా కోసం ఒలింపిక్‌ విన్నర్‌ టోని జెఫ్రీస్‌ పర్యవేక్షణలో ట్రైనింగ్ తీసుకున్నాడు.

[subscribe]

[youtube_video videoid=t-SWlHFaFUk]