గొప్ప మనసు చాటుకున్న మనోజ్

కేవలం సినిమా విషయాలే కాదు… సామజిక, రాజకీయ అంశాలపై కూడా మంచు మనోజ్ తన అభిప్రాయాలని ప్రజలతో పంచుకుంటుంటాడు. పలు విషయాలపై తన ట్విట్టర్ ద్వారా తనదైన శైలిలో స్పందిస్తూనే ఉంటారు. అంతేకాదు సామాజిక సేవా కార్యక్రమాల్లో కూడా పాల్గొంటూనే ఉంటాడు. అలాంటి మనోజ్ తాజాగా ఓ మంచి పని చేసి మరోసారి తన గొప్ప మనసును చాటుకున్నాడు. ఈ రోజు కలెక్షన్ కింగ్ మోహన్ బాబు పుట్టిన రోజు అన్న సంగతి తెలిసిందే. ఈ నేపథ్యంలో తన తండ్రి మోహన్ బాబు 69వ పుట్టినరోజును పురస్కరించుకుని సిరిసిల్ల ప్రాంతానికి చెందిన అశ్విత అనే బాలికను దత్తత తీసుకున్నాడు మనోజ్. ఈ విషయాన్ని తన ట్విట్టర్ ద్వారా పోస్ట్ చేసి అందరికీ తెలిపాడు.

‘నాన్న పుట్టినరోజు సందర్భంగా ఏదైనా మంచి పని చేయాలనుకున్నాను. సిరిసిల్ల ప్రాంతానికి చెందిన అశ్విత అనే అమ్మాయిని దత్తత తీసుకున్నందుకు గర్వంగా ఫీల్ అవుతున్నట్లు’ చెప్పారు. ఆ అమ్మాయిని విద్యానికేతన్ స్కూల్ లో జాయిన్ చేసినట్లు, తన భాద్యతలన్నీ కూడా నేనే తీసుకుంటానని చెప్పాడు. మంచి చదువు చెప్పిస్తానని, జాగ్రత్తగా చూసుకుంటానని వెల్లడించాడు. ఐఏఎస్ అధికారి అవ్వాలనేది ఆమె ఆశయమని, తను అనుకున్నది సాధించే వరకు సాయపడతానని తెలిపారు.

Nana’s bday 2mrw & turned 2 be my best! I take pride in #adopting #Ashwitha frm #Sirisilla. Enrolled her 2day at @IVidyanikethan. I hereby, take up all her responsibilities 2 support, educate & ensure her safety & desire to become an #IAS officer!Tq all who helped!❤️#JoyOfGiving pic.twitter.com/31ASlnXIl2

— MM*🙏🏻❤️ (@HeroManoj1) March 18, 2019

ఇక సోషల్ మీడియాలో ఈ న్యూస్ హాట్ టాపిక్ గా మారింది. మంచు మనోజ్ తీసుకున్న ఈనిర్ణయంపై నెటిజన్లు ప్రశంసలు కురిపిస్తున్నారు.