ఆకాష్ హీరోయిన్ గా ఢిల్లీ భామ!

డాషింగ్ డైరెక్టర్ పూరీ జగన్నాథ్ తనయుడు ఆకాష్ పూరీ ‘రొమాంటిక్’ అనే కొత్త సినిమాలో నటిస్తున్న సంగతి తెలిసిందే. పూరీ దగ్గర అసిస్టెంట్ డైరెక్టర్ గా పనిచేసిన అనిల్‌ పడూరి దర్శకత్వంలో తెరకెక్కుతున్న ఈ సినిమా ప్రస్తుతం షూటింగ్ జరుపుకుంటుంది.

ఇక తాజా అప్ డేట్ ఏంటంటే.. ఈ సినిమాలో ఆకాష్ పూరీ సరసన హీరోయిన్ ను సెలక్ట్ చేశారు. ఢిల్లీ మోడ‌ల్ కేతికా శ‌ర్మ‌ను హీరోయిన్‌గా ఎంపిక చేశారు. ప్ర‌స్తుతం జ‌రుగుతున్న గోవా షెడ్యూల్‌లో కేతికా శ‌ర్మ కూడా యూనిట్‌తో జాయిన్ అవుతుందట.

కాగా శ్రీమ‌తి లావ‌ణ్య స‌మ‌ర్ప‌ణ‌లో పూరి జ‌గ‌న్నాథ్ టూరింగ్ టాకీస్‌, పూరి క‌నెక్ట్స్ బ్యాన‌ర్స్‌పై డాషింగ్ డైరెక్ట‌ర్ పూరి జ‌గ‌న్నాథ్‌, ఛార్మి కౌర్ ఈ సినిమాను నిర్మిస్తున్నారు. అంతేకాదు.. ఈ చిత్రానికి క‌థ‌, మాట‌లు, స్క్రీన్‌ప్లే కూడా పూరీనే అందిస్తున్నారు. మరి గతంలో పూరీ దర్శకత్వంలో వచ్చిన మెహబూబా సినిమాకు మంచి టాక్ అయితే వచ్చిందని కానీ… అశించినంత విజయం మాత్రం దక్కించుకోలేక పోయింది. మరి ఈ సినిమా ఆకాష్ పూరీకి ఎంత వరకూ సక్సెస్ అందిస్తుందో చూద్దాం.