త‌క్కువ గ్యాప్‌లోనే వ‌స్తున్న శ‌ర్వానంద్‌?

వైవిధ్య‌భ‌రిత‌మైన చిత్రాల‌తో ముందుకు సాగుతున్న యువ క‌థానాయ‌కుడు శ‌ర్వానంద్‌. ఎలాంటి పాత్ర‌లోనైనా ఒదిగిపోయే ఈ టాలెంటెడ్ హీరో… ప్ర‌స్తుతం రెండు సినిమాల‌తో బిజీగా ఉన్నాడు. వాటిలో ఒక‌టి సుధీర్ వ‌ర్మ రూపొందిస్తున్న పేరు నిర్ణ‌యించ‌ని చిత్రం కాగా… మ‌రొక‌టి త‌మిళ్ బ్లాక్‌బ‌స్ట‌ర్ మూవీ `96`కి రీమేక్‌గా రూపొందుతున్న సినిమా. ఈ రెండు కూడా కేవ‌లం మూడు నెల‌ల గ్యాప్‌లో తెర‌పైకి వ‌చ్చే అవ‌కాశ‌ముంద‌ని టాలీవుడ్ టాక్‌.

ఆ వివ‌రాల్లోకి వెళితే… గ్యాంగ్‌స్ట‌ర్ డ్రామాగా తెర‌కెక్కుతున్న సుధీర్ వ‌ర్మ చిత్రంలో శ‌ర్వా రెండు షేడ్స్ ఉన్న పాత్ర‌లో క‌నిపించ‌నుండ‌గా… ఈ సినిమా మే నెల‌లో (మే 31 అని టాక్‌) తెర‌పైకి రానుంది. ఇక `96` రీమేక్ విష‌యానికి వ‌స్తే… త్వ‌ర‌లోనే ప‌ట్టాలెక్కనున్న ఈ ఫీల్ గుడ్ ల‌వ్ స్టోరీ ఆగ‌స్టు 29న రిలీజ్ కానున్న‌ట్లు తెలుస్తోంది. మ‌రి… మూడు నెల‌ల గ్యాప్‌లో వ‌స్తున్న ఈ రెండు చిత్రాల‌తో శ‌ర్వానంద్ మంచి విజ‌యాల‌ను అందుకుంటాడేమో చూడాలి.