`ఎన్జీకే` రిలీజ్ డేట్ మారిందా?

కోలీవుడ్ స్టార్ సూర్య క‌థానాయ‌కుడిగా న‌టిస్తున్న తాజా చిత్రం `ఎన్జీకే`. సూర్య‌కి జోడీగా ర‌కుల్ ప్రీత్ సింగ్‌, సాయిప‌ల్ల‌వి న‌టిస్తున్న ఈ సినిమాకి శ్రీ రాఘ‌వ ద‌ర్శ‌క‌త్వం వ‌హిస్తున్నాడు. యువ‌న్ శంక‌ర్ రాజా సంగీత‌మందిస్తున్నాడు. పొలిటిక‌ల్ యాక్ష‌న్‌ థ్రిల్ల‌ర్‌గా రూపొందుతున్న ఈ సినిమాకి సంబంధించిన టీజ‌ర్‌… ఇటీవ‌లే విడుద‌లై ఆస‌క్తిని రేకెత్తించింది.

ఇదిలా ఉంటే… త‌మిళ సంవ‌త్స‌రాదిని పుర‌స్క‌రించుకుని `ఎన్జీకే`ని ఏప్రిల్ రెండో వారంలో విడుద‌ల చేయ‌బోతున్నట్లు ఆ మ‌ధ్య వార్త‌లు వినిపించాయి. అయితే… ఇప్పుడు రిలీజ్ డేట్ మారింద‌ని కోలీవుడ్ టాక్‌. వినిపిస్తున్న క‌థ‌నాల ప్ర‌కారం… రంజాన్ సంద‌ర్భంగా జూన్ 5న గానీ లేదా 6న గానీ ఈ సినిమా విడుద‌ల‌య్యే అవ‌కాశ‌ముంద‌ని తెలుస్తోంది. త్వ‌ర‌లోనే విడుద‌ల తేదీపై క్లారిటీ రావ‌చ్చు. డ్రీమ్ వారియ‌ర్ పిక్చ‌ర్స్ ప‌తాకంపై ఎస్‌.ఆర్‌.ప్ర‌కాష్ బాబు, ఎస్‌.ఆర్‌. ప్ర‌భు ఈ చిత్రాన్ని నిర్మిస్తున్నారు. ప్ర‌ముఖ న‌టుడు జ‌గ‌ప‌తిబాబు ఓ కీల‌క పాత్ర‌లో న‌టిస్తున్నాడు.