సీక్వెల్ ప్లాన్ చేస్తున్న టాలెంటెడ్ డైరెక్ట‌ర్‌?

గౌత‌మ్ మీన‌న్… ఈ పేరు విన‌గానే ప‌లు రొమాంటిక్ మూవీస్ క‌ళ్ళ‌ముందు క‌ద‌లాడ‌తాయి. అలాగే ప‌వ‌ర్‌ఫుల్ అండ్ స్టైలిష్ కాప్ స్టోరీస్ కూడా గుర్తుకు వ‌స్తాయి. రొమాన్స్‌, యాక్ష‌న్‌ను మిక్స్ చేస్తూ… గౌత‌మ్ రూపొందించిన చిత్రాల‌లో `కాక్క కాక్క‌` (2003) అగ్ర శ్రేణిలో ఉంటుంది. సూర్య‌, జ్యోతిక జంట‌గా న‌టించిన ఈ పోలీస్ స్టోరీ… త‌మిళ‌నాట బ్లాక్‌బ‌స్ట‌ర్ హిట్ అయ్యింది. అలాగే… స్వ‌ర‌క‌ర్త హారిస్ జైరాజ్ కెరీర్‌లో వ‌న్ ఆఫ్ ది బెస్ట్ ఆల్బ‌మ్స్‌గా నిలిచిపోయింది. ఇక‌ ఇదే సినిమా… విక్ట‌రీ వెంక‌టేష్‌, అసిన్ జంట‌గా తెలుగులో `ఘ‌ర్ష‌ణ‌` పేరుతో రీమేక్ అయి… యాక్ష‌న్ సినిమా ప్రియుల‌ను ఎంత‌గానో ఆక‌ట్టుకుంది.

క‌ట్ చేస్తే… ఇప్పుడు ఈ `కాక్క కాక్క‌` సినిమాకి సీక్వెల్ చేసే దిశ‌గా గౌత‌మ్ ప్లాన్ చేస్తున్నాడ‌ని కోలీవుడ్‌ టాక్‌. ఇందులోనూ సూర్య హీరోగా న‌టించే అవ‌కాశ‌ముంద‌ని స‌మాచారం. త‌మిళ వెర్ష‌న్‌లో జ్యోతిక పాత్ర చ‌నిపోతుంది కాబ‌ట్టి… క‌థానాయిక‌గా మ‌రొక‌రిని ఎంచుకోనున్నారు. దాదాపు ప‌ద‌హారేళ్ళ త‌రువాత ప‌ట్టాలెక్కనున్న ఈ సీక్వెల్ ఘ‌న‌విజ‌యం సాధిస్తే… తెలుగులోనూ రీమేక్ అయ్యే అవ‌కాశం లేక‌పోలేదు. త్వ‌ర‌లోనే `కాక్క కాక్క‌` సీక్వెల్‌కు సంబంధించిన పూర్తి వివ‌రాలు వెల్ల‌డ‌య్యే అవ‌కాశ‌ముంది.