వరలక్ష్మి శరత్ కుమార్ నాగకన్య ఫస్ట్ లుక్ రిలీజ్

వరలక్ష్మి శరత్ కుమార్ ప్రధాన పాత్రలో పాము నేపథ్యంలో ఓ సినిమా తెరకెక్కుతున్న సంగతి తెలిసిందే. తమిళంలో నీయా అనే పేరుతో ఈ సినిమా తెరకెక్కుతుండగా.. తెలుగులో నాగకన్య అనే పేరుతో ఈ సినిమాను చిత్రీకరిస్తున్నారు. ప్రస్తుతం ఈ సినిమా షూటింగ్ శరవేగంగా జరుపుకుంటుంది. ఈనేపథ్యంలో ఈ సినిమా ఫస్ట్ లుక్ ను రిలీజ్ చేశారు చిత్రయూనిట్. నాగకన్యగా వరలక్ష్మి శరత్ కుమార్ ఫస్టు పోస్టర్ ఆకట్టుకునేలా వుంది. ఆడియోను త్వరలో విడుదల చేయనున్నట్టు ఓ పోస్టర్ ద్వారా తెలిపారు.

కాగా సురేష్ దర్శకత్వం వహిస్తున్న ఈసినిమాలో రాయ్ లక్ష్మి, కేథరిన్, జై కూడా కీలక పాత్రల్లో నటిస్తున్నారు. మరి తెలుగు .. తమిళ భాషల్లో గతంలో పాము నేపథ్యంలో సాగే ఎన్నో కథలు తెరకెక్కాయి. కంటెంట్ బాగా వున్న సినిమాలు భారీ విజయాలను అందుకున్నాయి. మరి ఈ సినిమా ఏ మేరకు మెప్పిస్తుందో తెలియాలంటే సినిమా వచ్చేంతవరకూ ఆగాల్సిందే.