నాగార్జున‌కి జోడీగా పాయ‌ల్‌?

గ‌త ఏడాది సంచ‌ల‌నం `ఆర్ ఎక్స్ 100`తో తెలుగు తెర‌కు ప‌రిచ‌య‌మైన ముద్దుగుమ్మ పాయ‌ల్ రాజ్‌పుత్‌. మొద‌టి సినిమాలోనే న‌ట‌న‌కు అవ‌కాశ‌మున్న పాత్ర‌లో క‌నిపించి మెప్పించిన ఈ ఉత్త‌రాది సోయ‌గం… ప్ర‌స్తుతం మాస్ మ‌హ‌రాజ్ ర‌వితేజ‌కి జోడీగా `డిస్కో రాజా`లో న‌టిస్తోంది. అంతేకాదు… మ‌రో క్రేజీ ప్రాజెక్ట్‌లోనూ క‌థానాయిక‌గా న‌టించే అవ‌కాశం పాయ‌ల్‌కు ద‌క్కింద‌ని టాలీవుడ్ టాక్‌. ఆ వివ‌రాల్లోకి వెళితే… 2002లో ఘ‌న‌విజ‌యం సాధించిన కింగ్ నాగార్జున‌ `మ‌న్మ‌థుడు` చిత్రానికి సీక్వెల్ రూపొందుతున్న సంగ‌తి తెలిసిందే. `చి ల సౌ` ఫేమ్ రాహుల్ ర‌వీంద్ర‌న్ ద‌ర్శ‌క‌త్వంలో తెర‌కెక్క‌నున్న ఈ సినిమా మార్చి నుంచి ప‌ట్టాలెక్క‌నుంది. 60 రోజుల పాటు పోర్చుగ‌ల్‌లో నిర‌వ‌ధికంగా చిత్రీక‌ర‌ణ జ‌రుపుకోనున్న ఈ సినిమాని ఆగ‌స్టులో రిలీజ్ చేయ‌డానికి స‌న్నాహాలు జ‌రుగుతున్నాయి. ఇదిలా ఉంటే… `మ‌న్మ‌థుడు` త‌ర‌హాలోనే ఈ సీక్వెల్‌లోనూ ఇద్ద‌రు నాయిక‌ల‌కు స్థాన‌ముంద‌ని ఇప్ప‌టికే వార్త‌లు వినిపించాయి. తాజా స‌మాచారం ప్ర‌కారం… మెయిన్ హీరోయిన్‌గా న‌టించే ఛాన్స్ పాయ‌ల్ రాజ్‌పుత్‌కు ద‌క్కింద‌ని తెలిసింది. త్వ‌ర‌లోనే పాయ‌ల్ ఎంట్రీపై క్లారిటీ వ‌స్తుంది.