తమిళ్, హిందీలో ఎఫ్2 రీమేక్!

అనిల్ రావిపూడి దర్శకత్వంలో విక్టరీ వెంకటేష్, మెగా ప్రిన్స్ వరుణ్ తేజ్ కాంబినేషన్ లో వచ్చిన మల్టీస్టారర్ ఎఫ్2 సినిమా ఎంత ఘన విజయం సాధించిందో చెప్పక్కర్లేదు. సంక్రాంతి బరిలో దిగిన ఈ సినిమా సంక్రాంతి విజేతగా నిలిచి కలెక్షన్స్ తో బాక్సాఫీస్ ను షేక్ చేస్తుంది. వంద కోట్ల మైలు రాయిని అందుకుని దిల్‌రాజు చిత్రాల్లో నెంబ‌ర్ వ‌న్‌గా నిలిచింది.

మరి ఇంత హిట్టయిన సినిమాను రీమేక్ చేయకుండా ఉంటారా? ఇప్పుడు ఈ సినిమాను కూడా హిందీ, తమిళ్ భాషల్లో రీమేక్ చేయాలన్న ఆలోచనలో ఉన్నారట. ఒక ఇంటర్వ్యూలో పాల్గొన్న దిల్ రాజు దీనిపై మాట్లాడుతూ… ఈ సినిమాను బాలీవుడ్ లో పలువురు హీరోలు చూస్తూనే ఉన్నారు… ఈ సినిమా రైట్స్ అన్నీ నా దగ్గరే ఉన్నాయి కాబట్టి వీలుంటే హిందీలో చిత్రాన్ని నేనే నిర్మించాలని చూస్తున్నా… కానీ ఈ ఏడాది తెలుగులో చాలా సినిమాలు క్యూలో ఉన్నాయి కాబట్టి సొంతంగా నిర్మించడం కంటే… నిర్మాణ భాగస్వామిగా ఉండటమే మంచిదని భావిస్తున్నా అని చెప్పారు. అన్నీ ఓకే అయిన తరువాత సినిమా క్యాస్టింగ్ వివరాలు చెపుతామన్నారు. మరి చూద్దాం అక్కడ ఏ హీరోలు చేస్తారో..?