ఈ ఏడాది క‌ళ్యాణ్ రామ్‌కి ఎంతో స్పెష‌ల్‌

క‌థానాయ‌కుడిగా నంద‌మూరి క‌ళ్యాణ్ రామ్‌ది దాదాపు 16 ఏళ్ళ సినీ ప్ర‌స్థానం. రాశి కంటే వాసికే ప్రాధాన్య‌మిచ్చే ఈ టాలెంటెడ్ హీరో… ఈ 16 ఏళ్ళ‌లో కేవ‌లం 16 చిత్రాల‌కే ప‌రిమిత‌మ‌య్యాడు. అంతేకాదు… కెరీర్ మొత్త‌మ్మీద‌… 2003, 2007, 2015, 2018 సంవ‌త్స‌రాల్లో మాత్ర‌మే క‌ళ్యాణ్ రామ్… ఒకే ఏడాదిలో రెండేసి సినిమాల‌తో ప‌ల‌క‌రించిన సంద‌ర్భాలు ఉన్నాయి. అయితే… ఈ ఏడాది మాత్రం కెరీర్‌లో ఎన్న‌డూ లేని విధంగా నాలుగు చిత్రాల‌తో అభిమానుల‌ను అల‌రించే ప్ర‌య‌త్నం చేస్తున్నాడీ నంద‌మూరి హీరో. అంతేకాదు… వ‌రుస‌గా మూడు నెల‌ల పాటు త‌న సినిమాలు విడుద‌ల‌వుతుండ‌డం విశేషం.

ఆ వివ‌రాల్లోకి వెళితే… ఇప్ప‌టికే జ‌న‌వ‌రి నెల‌లో `య‌న్‌.టి.ఆర్‌. క‌థానాయ‌కుడు` (తండ్రి హ‌రికృష్ణ పాత్ర‌లో న‌టించిన క‌ళ్యాణ్ రామ్‌) కోసం తెర‌పై ద‌ర్శ‌న‌మిచ్చిన ఆయ‌న‌… ఫిబ్ర‌వ‌రి నెల‌లో ఆ సినిమా రెండో భాగం `య‌న్‌.టి.ఆర్‌. మ‌హానాయ‌కుడు`తో ప‌ల‌క‌రించ‌నున్నాడు. ఇక మార్చి 1న యాక్ష‌న్ థ్రిల్ల‌ర్ `118`తో థ్రిల్ చేయ‌డానికి సిద్ధ‌మ‌వుతున్నాడు. ఇలా… వ‌రుస‌గా మూడు నెల‌ల పాటు తెర‌పై క‌నిపించ‌నున్న క‌ళ్యాణ్ రామ్‌… మార్చిలో ప‌ట్టాలెక్కి ఈ ఏడాది ద్వితీయార్ధంలో రిలీజ్ కానున్న విరించి వ‌ర్మ కాంబినేష‌న్ మూవీతోనూ ఈ ఏడాది సంద‌డి చేయ‌నున్నాడు. మొత్తానికి… రికార్డు స్థాయిలో ఈ సంవ‌త్స‌రం నాలుగు సినిమాల‌తో క‌ళ్యాణ్ రామ్ అభిమానుల‌ను మురిపించ‌నున్నాడు. సో… 2019 క‌ళ్యాణ్ రామ్ కి నెంబ‌రాఫ్ సినిమాస్ ప‌రంగా వెరీ వెరీ స్పెష‌ల్ ఇయ‌ర్ అన్న‌మాట‌.