సంస్కృత భాషలో ప్రాణ ప్రమోషనల్ వీడియో సాంగ్ రిలీజ్

వైవిద్యమైన పాత్రలు ఎంచుకోవడంలో నిత్యామీనన్ ఎప్పుడూ ముందుంటుందన్న సంగతి తను ఇంతవరకూ చేసిన సినిమాలు చూస్తే అర్ధమవుతోంది. ఇప్పుడు అదే మరోసారి నిరూపించింది. ప్రాణ అనే కొత్త కాన్సెప్ట్..తన ఒక్క పాత్ర మాత్రమే ఈ సినిమాలో ఉంటుంది..అలాంటి కాన్సెప్ట్ సినిమాలో నటిస్తోంది నిత్యామీనన్. ఇటీవలే ఈ సినిమా రిలీజ్ డేట్ ను కూడా ఫిక్స్ చేశారు చిత్ర యూనిట్. మలయాళంలో ఈ సినిమా ను జనవరి 18వ తేదీన విడుదల చేస్తుండగా…తెలుగు, కన్నడ, హిందీ భాషల్లో ఈ సినిమాను… ఫిబ్రవరి 8వ తేదీన రిలీజ్ చేయనున్నట్టు తెలిపారు.

ఇక ఇప్పుడు తాజాగా ఈ సినిమా ప్రమోషనల్ వీడియో సాంగ్ ను రిలీజ్ చేశారు. మలయాళ సూపర్ స్టార్ మమ్ముట్టి తన అఫీషియల్ ఫేస్ బుక్ పేజ్ లో ఈ సాంగ్ ను రిలీజ్ చేశారు. విశేషం ఏంటంటే ఈ పాట సంస్కృతంలో ఉంటుంది. హరి నారాయణ్ రాసిన ఈ పాటను రతీష్ వేగ కంపోజ్ చేయగా శిల్ప రాజ్ అనే అమ్మాయి పాడింది.

కాగా థ్రిల్ల‌ర్ మూవీగా తెర‌కెక్కుతున్న ఈ చిత్రానికి ఇండియా టాప్ సినిమాటోగ్రాఫ‌ర్ పీసీ శ్రీరామ్ కెమెరామెన్‌గా ప‌నిచేస్తున్నారు. లూయిజ్ బ్యాంక్స్ చిత్రానికి సంగీతం అందిస్తున్నారు. ఆస్కార్ అవార్డ్ విన్నర్ రకుల్ పూకుట్టి ఈ సినిమా కోసం తొలిసారిగా ‘సింకర్‌నైజ్డ్‌ సరౌండ్‌ సౌండ్‌ సిస్టమ్‌’ అనే కొత్త టెక్నాలజీని వాడుతున్నారు. మరి ఒక్క క్యారెక్టర్ తో ఈ సినిమాను ఎలా నడిపించారో తెలియాలంటే సినిమా వచ్చేంతవరకూ ఆగాల్సిందే.