సమంత 70 ఏళ్ళ బామ్మ కాద‌ట‌…

స‌క్సెస్‌ఫుల్ హీరోయిన్ స‌మంత‌… ప్ర‌స్తుతం రెండు చిత్రాల్లో న‌టిస్తూ బిజీగా ఉంది. పెళ్ళ‌య్యాక త‌న భ‌ర్త‌, యువ క‌థానాయ‌కుడు నాగ‌చైత‌న్య‌తో క‌ల‌సి `మ‌జిలీ` సినిమా చేస్తున్న సామ్‌… మ‌రోవైపు కొరియ‌న్ మూవీ `మిస్ గ్రానీ`కి రీమేక్‌గా తెర‌కెక్కుతున్న `ఓ బేబీ` (ప్ర‌చారంలో ఉన్న పేరు)లోనూ న‌టిస్తోంది. నందినీ రెడ్డి ద‌ర్శ‌క‌త్వంలో రూపొందుతున్న `ఓ బేబీ`లో సామ్‌… 20 ఏళ్ళ ప‌డుచు పిల్ల‌గానూ, 70 ఏళ్ళ బామ్మ‌గానూ క‌నిపించ‌బోతుందంటూ వార్త‌లు వ‌చ్చిన సంగ‌తి తెలిసిందే.

తాజా స‌మాచారం ప్ర‌కారం… స‌మంత 20 ఏళ్ళ అమ్మాయి పాత్ర‌లోనే క‌నిపించ‌నుంద‌ని స‌మాచారం. 70 ఏళ్ళ బామ్మ పాత్ర‌లో సీనియ‌ర్ న‌టి ల‌క్ష్మీ క‌నిపించ‌నున్నార‌ట‌. వాస్త‌వానికి… ఒరిజిన‌ల్ వెర్ష‌న్‌లోనూ ఈ రెండు పాత్ర‌ల‌ను వేర్వేరు ఆర్టిస్టులే చేశారు. అయితే… ఇక్క‌డ చిన్న ప్ర‌యోగంలా సామ్ చేత రెండు పాత్ర‌ల‌ను చేయించాల‌నుకున్నారు. 70 ఏళ్ళ పాత్ర కోసం ప్రొస్థెటిక్ మేక‌ప్‌తో ర‌క్తి క‌ట్టించాల‌నుకున్నారు. అయితే… కొన్ని కార‌ణాల వ‌ల్ల… ఈ ప్రాసెస్ వ‌ల్ల సినిమా ఆల‌స్యం అవుతుంద‌న్న ఉద్దేశంతో… ఆ ఆలోచ‌న మానుకున్నార‌ట‌. మొత్తానికి… రెండు విభిన్న పాత్ర‌ల్లో ఇద్ద‌రు టాలెంటెడ్ యాక్ట్ర‌స్ ను చూసే అవ‌కాశం ద‌క్కుతుంద‌న్న‌మాట‌. నాగ శౌర్య ఓ కీల‌క పాత్ర‌లో న‌టిస్తున్న `ఓ బేబీ` ఈ ఏడాది వేస‌విలో తెర‌పైకి రానుంది.