నవరస నటనా సార్వభౌముడిగా ఆరు దశాబ్ధాలపాటు తన సినీ ప్రయాణంలో ఎన్నో పాత్రల్లో నటించారు కైకాల సత్యనారాయణ. సామాజిక, పౌరాణిక సినిమాల్లో ఎన్నో విభిన్నమైన పాత్రల ద్వారా అలరించారు. అప్పట్లో ఎన్టీఆర్, ఏఎన్నారు లాంటి దిగ్గజాలతో సమానంగా కైకాల సత్యనారాయణ పాత్రలు ఉండేవి. ఒక అన్న పాత్ర అయినా, తండ్రి పాత్ర అయినా, కరడు కట్టిన విలన్ పాత్ర అయినా ఏ పాత్రలో నటిస్తే ఆ పాత్రకు జీవం పోసేవారు. తన సినీ ప్రయాణలో ఇప్పటి వరకూ దాదాపు 750కు పైగా సినిమాల్లో నటించారు కైకాల సత్యనారాయణ.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక నేడు కైకాల సత్యనారాయణ పుట్టినరోజు. 1935 జులై 25న జన్మించిన కైకాల 87వ వసంతలోకి అడుగుపెట్టారు. ఈసందర్భంగా మెగాస్టార్ చిరంజీవి ప్రత్యేకంగా ఆయన పుట్టిన రోజు వేడుకలో పాల్గొన్నారు. స్వయంగా కైకాల నివాసం వద్దకు వెళ్లి జన్మదిన శుభాకాంక్షలు తెలియచేసి ఆయనతో కేక్ కట్ చేయించారు. అంతేకాదు పెద్దలు కైకాల సత్యనారాయణ పుట్టినరోజు నాడు ఆయన్ని స్వయంగా కలవడం సంతోషాన్ని సంతృప్తిని ఇచ్చింది. ఆయన సంపూర్ణ ఆరోగ్యంతో నిండు నూరేళ్లు జీవించాలని కోరుకుంటున్నాను… అంటూ చిరంజీవి ట్వీట్ చేశారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.
పెద్దలు శ్రీ కైకాల సత్యనారాయణ గారి పుట్టినరోజున,వారిని కలిసి జన్మదిన శుభాకాంక్షలు తెలియచేయటం ఎంతో సంతోషాన్ని సంతృప్తిని ఇచ్చింది.
ఆ భగవంతుడు వారికి సంపూర్ణ ఆయురారోగ్యాలు ఇవ్వాలని కోరుకుంటుంటున్నాను 💐💐🙏🏻 pic.twitter.com/Dt2Yo2rp6i— Chiranjeevi Konidela (@KChiruTweets) July 25, 2022
కాగా కైకాల సత్యనారాయణ చిరంజీవి సినిమాల్లో కూడా పలు పాత్రల్లో నటించారు. యముడికి మొగుడు, బావగారు బాగున్నారా? కొండవీటి దొంగ వంటి చిత్రాల్లో వీరిద్దరి కాంబినేషన్ లో వచ్చే సన్నివేశాలు కూడా నవ్వును తెప్పిస్తాయి.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
