గతేడాది ‘సరిలేరు నీకెవ్వరు’ సక్సెస్ తర్వాత మహేష్..పరశురామ్ దర్శకత్వంలో ‘సర్కారు వారి పాట’ సినిమా చేస్తున్న సంగతి తెలిసిందే కదా. దుబాయ్‌లో ఈ సినిమా తొలి షెడ్యూల్ పూర్తి చేసారు. ఆ తర్వాత రెండో షెడ్యూల్‌ను దుబాయ్‌తో పాటు గోవాలో చేయాలనుకున్నారు. కానీ కరోనా సెకండ్ వేవ్ కారణంగా రెండో షెడ్యూల్ హైదరాబాద్‌లో ప్రారంభించారు. ప్రస్తుతం ఈసినిమా షూటింగ్ శరవేగంగా జరుపుకుంటుంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఈసినిమా నుండి అభిమానులు ఎప్పటి నుండో అప్ డేట్ కోసం ఎదురుచూస్తున్న సంగతి తెలిసిందే కదా. ఈనేపథ్యంలోనే తాజాగా ఫ్యాన్స్ కు సర్ ప్రైజ్ ఇస్తూ ఈసినిమా ఫస్ట్ లుక్ ను రిలీజ్ చేయబోతున్నట్టు తెలిపారు. జులై 31న సర్కారు వారి పాట నుండి ఫస్ట్ లుక్ ను రిలీజ్ చేస్తున్నట్టు అధికారికంగా ప్రకటించారు.
#SVPFirstNotice on July 31st 🔔
⚡️ W W M ⚡️#SarkaruVaariPaata 💥
Super 🌟 @urstrulyMahesh pic.twitter.com/4dEY4OTdAW
— SarkaruVaariPaata (@SVPTheFilm) July 29, 2021
మరోవైపు ఆగస్టు 9న మహేష్ బాబు పుట్టినరోజు సందర్బంగా సర్కారు వారి పాట నుంచి మరో సర్ ప్రైజ్ రానున్నట్లుగా తెలుస్తోంది. మరి జులై 31 న ఫస్ట్ లుక్ రిలీజ్ చేస్తే మరి బర్త్ డే కి ఎలాంటి సర్ ప్రైజ్ ఇస్తారో చూడాలి.
కాగా ఈసినిమాలో మహేష్ కు జోడీగా కీర్తి సురేష్ నటిస్తుంది. మైత్రీ మూవీ మేకర్స్, 14 రీల్స్‌ ప్లస్, జీయంబీ ఎంటర్‌టైన్‌మెంట్స్‌ బ్యానర్లు సంయుక్తంగా ఈసినిమాను నిర్మిస్తున్నాయి. తమన్ ఈ సినిమాకు సంగీతం అందిస్తున్నాడు. సర్కారు వారి పాట సినిమాను వచ్చే ఏడాది సంక్రాంతికి ప్రపంచవ్యాప్తంగా విడుదల చేయాలని సన్నాహాలు చేస్తున్నారు మేకర్స్.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
