‘త్రిష’ పెళ్లి పై ‘ఛార్మి’ హింట్ ఇచ్చినట్టేనా..!

కొంత మంది హీరోయిన్స్ వ్యక్తిగత జీవితం ఎప్పుడు వార్తల్లోనే ఉంటుంది. వారి పెళ్లి, ప్రేమ విషయాలపై ఎప్పుడూ ఏదో ఒక వార్త చక్కర్లు కొడుతూనే ఉంటుంది. ముఖ్యంగా నయనతార, త్రిష, అనుష్క వీరి పెళ్లిళ్లపై ఏదో ఒక న్యూస్ వినిపిస్తూనే ఉంటుంది. వీరిలో నయన్ అంటే విఘ్నేష్ తో ప్రేమాయణం సాగిస్తుంది కాబట్టి అది వేరు. ఇక త్రిష పెళ్లి పై కూడా ఏదో ఒక రూమర్ వస్తూనే ఉంటుంది. రీసెంట్ గా కూడా త్రిష పెళ్లిపై మరోసారి వార్తలు వచ్చాయి. అయితే ఈ వార్తలు రావడం కామనే అనుకున్నారు అంతా. కానీ ఇప్పుడు ఛార్మీట్వీట్ తో త్రిష పెళ్లి గురించి హింట్ ఇచ్చిందా అంటున్నారు.

నిన్న త్రిష పుట్టినరోజు. ఈ సందర్భంగా పలువురు ప్రముఖులు ఆమెకు సోషల్ మీడియా వేదికగా శుభాకాంక్షలు తెలిపారు. ఈ నేపథ్యంలో త్రిషకు బెస్ట్ ఫ్రెండ్ అయిన హీరోయిన్ ఛార్మి కూడా ఆమెకు పుట్టినరోజు శుభాకాంక్షలు తెలిపింది. “హ్యాపీయెస్ట్ బర్త్ డే త్రిష. నాకు ఇదే నీ లాస్ట్ బ్యాచిలర్ బర్త్ డే అని బలంగా అన్పిస్తోంది” అంటూ ట్వీట్ చేసింది ఛార్మి. ఇంకేముంది ఛార్మి ఇన్ డైరెక్టుగా త్రిష పెళ్ళిని కన్ఫర్మ్ చేసేసింది అంటున్నారు. త్రిష పెళ్లిపై వస్తున్న పుకార్లకు బలం చేకూరేలా చేసింది ఛార్మి ట్వీట్. మరి పెళ్లి విషయాన్ని త్రిష త్వరలో ప్రకటిస్తుందేమో చూడాలి.

కాగా ఈ ఇద్ద‌రూ ప‌దేళ్ల కింద ‘పౌర్ణమి’ చిత్రంలో క‌లిసి న‌టించారు. అందులో త్రిషకు చెల్లెలిగా ఛార్మి న‌టించింది. అప్ప‌ట్నుంచీ ఈ ఇద్ద‌రూ మంచి స్నేహితులు అయిపోయారు.