మలయాళ మూవీ తెలుగు రీమేక్ లో అనుపమ పరమేశ్వరన్ ?

సూపర్ హిట్ “అ ఆ ” మూవీ తో పరిచయం అయిన అనుపమ పరమేశ్వరన్ “ప్రేమమ్ “, “శతమానం భవతి “, “హలో గురు ప్రేమకోసమే “,”రాక్షసుడు “వంటి సూపర్ హిట్ మూవీస్ లో తన అందం , అభినయం తో ప్రేక్షకులను ఆకట్టుకున్నారు. మలయాళ , తమిళ , కన్నడ భాషల మూవీస్ లో నటిస్తున్న అనుపమ ఇప్పుడు వరుస తెలుగు మూవీస్ తో టాలీవుడ్ లో బిజీగా మారారు. నిఖిల్ హీరోగా రూపొందుతున్న “కార్తికేయ 2 “, “18 పేజెస్ ” మూవీస్ లో హీరోయిన్ గా ఎంపిక అయిన అనుపమ ఇప్పుడు ఒక మలయాళ మూవీ తెలుగు రీమేక్ కు గ్రీన్ సిగ్నల్ ఇచ్చారని సమాచారం.

దర్శకుడు మథుకుట్టి దర్శకత్వంలో అన్నా బెన్ ప్రధాన పాత్రలో అనుకోని పరిస్థితులలో కోల్డ్ స్టోరేజ్ లో చిక్కున్న యువతి నేపథ్యంలో రూపొందిన సర్వైవల్ థ్రిల్లర్ “హెలెన్ ” మలయాళ మూవీ ఘనవిజయం సాధించింది. ఈ మూవీ తమిళ , తెలుగు , కన్నడ , హిందీ భాషలలో రీమేక్ అవుతుంది. “హెలెన్ ” మలయాళ మూవీ హిందీ రీమేక్ లో జాన్వీ కపూర్ హీరోయిన్ . తెలుగు రీమేక్ లో హీరోయిన్ గా అనుపమ ఎంపిక అయ్యారని సమాచారం. పలు మలయాళ హిట్ మూవీస్ తెలుగు భాషలో రీమేక్ అవుతున్న విషయం తెలిసిందే.