ఇండస్ట్రీ హిట్ మూవీ :”కలిసుందాం .. రా ! “

సురేష్ ప్రొడక్షన్స్ బ్యానర్ పై ఉదయ్ శంకర్ దర్శకత్వంలో విక్టరీ వెంకటేష్ , సిమ్రాన్ జంటగా రూపొందిన ఫ్యామిలీ ఎంటర్ టైనర్ మూవీ “కలిసుందాం .. రా !” రికార్డ్ కలెక్షన్స్ తో ఘనవిజయం సాధించి ఇండస్ట్రీ హిట్ గా నిలిచింది. “కలిసుందాం .. రా ! మూవీ బెస్ట్ ఫిల్మ్ గా నేషనల్ అవార్డ్ అందుకుంది. తన దైన స్టైల్ ఆఫ్ యాక్టింగ్ తో ప్రేక్షకులను అలరించి వెంకటేష్ బెస్ట్ యాక్టర్ గా నంది , ఫిల్మ్ ఫేర్ అవార్డ్స్ అందుకున్నారు. ప్రేక్షకుల విశేషాదరణ పొందిన “కలిసుందాం .. రా !” మూవీ 70 సంవత్సరాల తెలుగు చలన చిత్ర పరిశ్రమ లో బిగ్గెస్ట్ హిట్ గా నిలిచింది.

బ్లాక్ బస్టర్ “కలిసుందాం .. రా ! “మూవీ 175 రోజులు 35 సెంటర్స్ , 200రోజులు 20 సెంటర్స్ లో ప్రదర్శించబడి రికార్డ్ క్రియేట్ చేసింది. ఎస్ ఏ రాజ్ కుమార్ స్వరకల్పనలో రూపొందిన సాంగ్స్ ప్రేక్షకులను ఆకట్టుకున్నాయి. సూపర్ హిట్ “నచ్చావే పాలపిట్టా ” సాంగ్ లో అద్భుతంగా పెర్ఫార్మ్ చేసిన వెంకటేష్ , సిమ్రాన్ లతో పాటు లెజెండరీ యాక్టర్ నందమూరి తారక రామారావు (గ్రాఫిక్స్ ) పెర్ఫార్మ్ చేసి
ప్రేక్షకులను ఆకట్టుకున్నారు. విక్టరీ వెంకటేష్ హీరోగా రూపొందిన “ప్రేమించుకుందాం రా “, “ప్రేమంటే ఇదేరా “, “కలిసుందాం .. రా ! “, “జయం మనదేరా ” మూవీస్ ఘనవిజయం సాధించడం విశేషం.