శ్ర‌ద్ధా క‌పూర్ డ‌బుల్ ధ‌మాకా

`ఆషిఖీ 2`తో భార‌తీయ కుర్ర‌కారుని ఫిదా చేసింది బాలీవుడ్‌ బ్యూటీ శ్ర‌ద్ధా క‌పూర్‌. ఆపై ప‌లు చిత్రాల్లో త‌న అభిన‌యంతో అల‌రించిన ఈ ఉత్త‌రాది సోయ‌గం… వారం రోజుల గ్యాప్‌లో రెండు ఆస‌క్తిక‌ర‌మైన చిత్రాల‌తో ప‌ల‌క‌రించ‌బోతోంది. ఆ సినిమాలే… `సాహో`, `ఛిచోరే`. మ‌ల్టీలింగ్వ‌ల్ మూవీగా తెర‌కెక్కిన స్టైలిష్ యాక్ష‌న్ ఎంట‌ర్‌టైన‌ర్‌ `సాహో` ఆగ‌స్టు 30న తెలుగు, హిందీ, త‌మిళ‌, మ‌ల‌యాళ భాష‌ల్లో విడుద‌ల కానుండ‌గా… రొమాంటిక్ కామెడీ ఎంట‌ర్‌టైన‌ర్‌గా తెర‌కెక్కిన హిందీ చిత్రం `ఛిచోరే` సెప్టెంబ‌ర్ 6న థియేట‌ర్ల‌లో సంద‌డి చేయ‌నుంది. మ‌రి… ఒక‌దానితో ఒక‌టి పొంత‌న లేని పాత్ర‌ల్లో శ్ర‌ద్ధ క‌నిపించ‌నున్న ఈ రెండు సినిమాలు ఆమె కెరీర్‌కి ఏ మేర‌కు ప్ల‌స్ అవుతాయో చూడాలి.