డీఎస్పీకి బ‌ర్త్ డే గిఫ్ట్‌… `రాక్ష‌సుడు`

ప్ర‌స్తుతం తెలుగునాట నంబ‌ర్ వ‌న్ మ్యూజిక్ డైరెక్ట‌ర్‌గా రాణిస్తున్నాడు రాక్ స్టార్ దేవిశ్రీ ప్ర‌సాద్‌. అలాంటి డీఎస్పీకి, ఆయ‌న అభిమానుల‌కు ఆగ‌స్టు 2 ఎంతో ప్ర‌త్యేకం. ఎందుకంటే… ఆ రోజు దేవిశ్రీ పుట్టిన రోజు. ఇక ఈ ఏడాది ఆగ‌స్టు 2తో ఈ యువ సంగీత సంచ‌ల‌నం 40 వ‌సంతాల‌ను పూర్తిచేసుకుంటున్నాడు. అంతేకాదు… ఈ పుట్టిన‌రోజు డీఎస్పీకి వెరీ వెరీ స్పెష‌ల్ కానుంది. ఎందుకంటే… అదే రోజున దేవిశ్రీ త‌మ్ముడు, గాయ‌కుడు సాగ‌ర్‌… ర‌చ‌యిత‌గా తొలి అడుగులు వేసిన `రాక్ష‌సుడు` సినిమా రిలీజ్ కాబోతోంది. త‌మిళ చిత్రం `రాట్చ‌స‌న్‌`కి రీమేక్‌గా తెర‌కెక్కిన ఈ చిత్రంలో బెల్లంకొండ సాయిశ్రీ‌నివాస్‌, అనుప‌మ ప‌ర‌మేశ్వ‌ర‌న్ జంట‌గా న‌టించారు. అన్ని కార్య‌క్ర‌మాల‌ను పూర్తిచేసుకున్న ఈ సినిమా… ఆగ‌స్టు 2న అంటే దేవిశ్రీ పుట్టిన‌రోజున రాబోతోంది. మ‌రి… టీజ‌ర్‌, ట్రైల‌ర్‌లలో త‌న సంభాష‌ణ‌ల‌తో ఆక‌ట్టుకుంటున్న సాగ‌ర్‌… ఫుల్ లెన్త్ సినిమాలోనూ త‌న‌దైన ముద్ర వేసి… అన్న‌య్య‌కి గుర్తుండిపోయే పుట్టిన‌రోజు కానుక అందిస్తాడేమో చూద్దాం.